1 Samueli 30:22 - Amazwi Yakwe Leza 2013

²² Lelo antu yamwi aipe nupya awelewele alondelanga Davidi yavwanga iyati, “Pamulandu wakuti yene yatapisile pamwi naswe, lyene naswe kwene tutakuyankanya icintu nanti conga pa visampwe vino twatitupokolola. Lelo nanti cingaya vivyo, cila muntu angasenda umuci wakwe na ana yakwe nga apite.”

1 Samueli 30:22 ပူးပေါင်းရင်းမြစ်များ

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

Mateo 7:12

“Acino vintu vyonsi vino mukasi kuti antu yamucitile namwe kwene avino mwayacitila. Pano avino Masunde yakwe Mose nu usambilizyo wakwe yakasema vikalanda.

Malango 13:13

ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

Yakapingula 19:22

Walanga aisikulu yacili yakuilyokezya, antu yamwi amu musumba ulya ankota iyalizizya ing'anda. Iyapuma ku cisasa, nga iyapunda sana ku mukote wilya yati, “Fumizya panzi umuntu wiyo uwataiza ukwako kuti tuulungane nawe.”

1 Samueli 22:2

Alino antu yonsi yao acuziwanga ku nkongole nu kukufyengwa kuze na yano yali ni cikonko, kuli kuno yakumukila iyaya. Davidi nawe waya intunguluzi yao. Antu aile kwene yali ukulingana manye imyanda ini.

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”

1 Samueli 25:25

Mukwai napapata, ala we musambazi utasumba amano kuli Nabali, umuntu wilya uwa lukang'ansi. Wene iciwelewele ndi muno izina lyakwe lyalola. Ni micitile yakwe iya uwelewele! Lelo nemo ne muomvi wako, we musambazi, ntalimbweni antu yano wali watuma.

1 Samueli 30:21

Lyene Davidi aswilila ku antu yalya imyanda iili yano walanga yatiyatonta wakwe cimwi cakuti iyaposiwa ukumulondela nupya yano yasile icisila pa Luzi lwa Besoli. Alino nayo yiiza ku kumukomanya na antu yano wali nayo. Lino Davidi na antu yakwe yapalama, ayalamuka.

1 Samueli 30:23

Davidi nawe pali pakuyanena ati, “Awe, inane mutalinzile kucita vivyo ku vintu vino Yawe watupeela. Wene watucingilila nu kutupeela ucimvyo pali yao aizile ku kutuzanza.