1 Samueli 30:15 - Amazwi Yakwe Leza 2013

¹⁵ Alino Davidi amuuzya ati, “Uzye ungantungulula ku azanzi yalya?” Umuntu wilya nawe aasuka ati, “Endi, namamutungulula! Cikulu sile ndi walapa ukuti usyakunkoma, nupya usikuya ukansye ku musambazi wane.”

1 Samueli 30:15 ပူးပေါင်းရင်းမြစ်များ

Utandiko 24:3

Nkulonda ulape mwi zina lyakwe Yawe, Leza uwa mwiyulu na pano nsi, ukuti utalalondela umwana wane mukazyana wakutwala ukufuma mu mpanga ya Kenani, mukwene muno nkwikala.

Ezekelo 17:13

Watozile nu muntu wenga uwamu luko lwa mwene awino yapangana nawe upangano. Amunena nu kulapa ukuti upangano uo utalononeka. Lilyo ala umwene waku Babiloni wasenda ni ntunguluzi zyamu mpanga,

Ezekelo 17:16

“Nemo ne Yawe Simwandalali nalapa nati kasili, umwene wiyo kakafwile ku Babiloni, pano wene wasuula umulapo, nupya wonona nu upangano uno napangine nu mwene waku Babiloni, wiyo uwamutesile na pa cilimba ca wene.

Ezekelo 17:19

“Pamulandu wakusuula umulapo wane nu konona upangano wane, ndaviwezezya pa mutwe wakwe.

Yoswa 2:12

Caleka, ndakai lapini kunondi mwi zina lyakwe Leza ukuti muli nu kulanga uluse ku ang'anda yane wakwe vino nemo namucitile. Mumpeele ni cimanyililo icakusininkizizya

Yoswa 9:15

Alino Yoswa nawe acita cipangano ca mutende nayo kuti ayate yikale, nga ni ntunguluzi zi uvi nazyo kwene izilaya nu mulapo ukuti zimasunga cipangano.

Yakapingula 1:24

inengu zizi izilola umuntu ala akufuma mu musumba nga izimunena iziti, “Tulange ivyakwingila mu musumba nga naswe tusikukucita nanti cimwi iciipe.”

1 Samueli 29:6

Akisyi aama Davidi nga amunena ati, “Icumi nalapa umwi zina lyakwe Yawe waumi ukuti wewe muntu umwi uwacumi. Nemo apa lwane ningatemwa sana ukuti tupite swensi ku nkondo. Nemo intazana akai nanti kamwi muli wewe, ukufuma pa wanda uno wizile uzina ukwane.

1 Samueli 30:14

Twaile ituzanza incende iya Negebu, ya ina Keleti ni mpanga imwi yakwe Yuda, nga ni mpanga imwi iya mutundu wakwe Kalebu. Twasile toca nu musumba kwene uwa Zikilagi.”

1 Samueli 30:16

Alino nawe atungulula Davidi ukwali azanzi yalya. Azanzi yalya ala yatiyasalangana umu ncende ilya yonsi, yala yakulya nu kumwa nu kuzevya pa visampwe vyonsi vino yapokololwile umu mpanga iya ina Filisti ni mpanga yakwe Yuda.