1 Samueli 30:14 - Amazwi Yakwe Leza 2013

¹⁴ Twaile ituzanza incende iya Negebu, ya ina Keleti ni mpanga imwi yakwe Yuda, nga ni mpanga imwi iya mutundu wakwe Kalebu. Twasile toca nu musumba kwene uwa Zikilagi.”

1 Samueli 30:14 ပူးပေါင်းရင်းမြစ်များ

2 Samueli 8:18

Benaya umwana umonsi wakwe Yeoyada wali a kangalila wa ina Keleti na ina Peleti. Nga ana aonsi yakwe Davidi yali a yasimapepo.

1 Yamwene 1:38

Acino simapepo Zadoki, na kasema Natani, na Benaya umwana wakwe Yeoyada, na yakalinda akwi sano aina Keleti na ina Peleti, iyakwezya Solomoni pa nyumbu ya mwene Davidi nga iyamusukilila ku kafukoka ka Giooni.

1 Yamwene 1:44

Waliwatuma Zadoki, na Natani, na Benaya umwana wakwe Yeoyada nga na yakalinda akwi sano aina Keleti na ina Peleti kuti yamusukilile nga nayo iyakwezya Solomoni pa nyumbu ya mwene nu kuleka kuti apita.

1 Milandu 18:17

Benaya umwana umonsi wakwe Yeoyada wali a cilolo uwangalilanga aina Keleti na ina Peleti. Alino ana aonsi yakwe Davidi yali a yacilolo yakalamba mu milimo ya kutumikila umwene.

Ezekelo 25:16

Caleka nani ne Yawe nayanenelapo ukuti ndayazanza nu kuyalovya ndayalovya. Ndalovya aina Filisti, na ina Keleti na yonsi pyu asyala mu nkumba yakwe yemba.

Zefaniya 2:5

Kalanda kuli mwemwe mwemuno mwikala mu nkumba yakwe yemba, mwe mutundu wakwe Keleti. Yawe watamulolwesya, mwe ina Kenani, impanga ya ina Filisti. Wene akuti, “Ndamonona mwemwe mwensi, nga patalasyala nanti wenga uwa munomuli.”

Yoswa 14:13

Lyene Yoswa apolelelela Kalebu umwana wakwe Yefune nga amupeela umusumba wa Hebuloni kuti uye icaupyanyi cakwe.

Yoswa 15:13

Ukulingana ni lamulo lino Yawe wamupile, Yoswa apeela Kalebu umwana wakwe Yefune icipande ca mpanga mukasi ka mpanga yamu mutundu wakwe Yuda. Amupeela Kilyati Aliba, kuli kuti Hebuloni. (Aliba wali icikolwe cakwe Anaki.)

Yoswa 21:12

Lelo impanga iyaya ku musumba uu kumwi ni mizi iya mumbali yapilwe kuli Kalebu umwana wakwe Yefune kuti iye iyakwakwe.

1 Samueli 25:3

Izina lyakwe wali a Nabali nga umuci wakwe wali a Abigelo. Wali amama umwi uwamano nupya umuyembe. Lelo iya, umwina Kalebu, wene wali umunkalwe nupya umusepukilwe.

1 Samueli 30:1

Davidi na antu yakwe yaile iyafika ku Zikilagi pa wanda uwalenga yatatu. Pa nsita ilya walanga aina Amaleke yatiyazanza incende ya Negebu nu musumba wa Zikilagi. Yene yosile umusumba wa Zikilagi nu

1 Samueli 30:13

Davidi amuuzya ati, “Uzye umusambazi wako aweni, nga ufumile kwi wewe kwene?” Nawe aasuka ati, “Nene mwina Eguputo, nupya nene muzya wa mwina Amaleke. Musambazi wane wasile wantazyela lino nalwile amanda yatatu apita.

1 Samueli 30:15

Alino Davidi amuuzya ati, “Uzye ungantungulula ku azanzi yalya?” Umuntu wilya nawe aasuka ati, “Endi, namamutungulula! Cikulu sile ndi walapa ukuti usyakunkoma, nupya usikuya ukansye ku musambazi wane.”

1 Samueli 30:16

Alino nawe atungulula Davidi ukwali azanzi yalya. Azanzi yalya ala yatiyasalangana umu ncende ilya yonsi, yala yakulya nu kumwa nu kuzevya pa visampwe vyonsi vino yapokololwile umu mpanga iya ina Filisti ni mpanga yakwe Yuda.