1 Samueli 3:19 - Amazwi Yakwe Leza 2013

¹⁹ Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.

1 Samueli 3:19 ပူးပေါင်းရင်းမြစ်များ

Utandiko 21:22

Mu nsita ilya Abimeleki apita na Fikoli musika mukalamba wa vita vyakwe, aya kuli Abulaamu amunena ati, “Leza waya nawe muli vyonsi vino ukacita.

Utandiko 28:15

Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”

Utandiko 39:2

Yawe wali na Yosefu, nu kulenga kuti vintu vyonsi vyamuzipila. Wikalanga mu ng'anda ya musambazi wakwe mwina Eguputo.

Utandiko 39:3

Nawe waweni ukuti Yawe akaazwa Yosefu muli vyonsi vino akucita.

1 Yamwene 8:56

“Lumbanyini Yawe, wiyo uwapile antu yakwe aina Izlaeli ukwikala ku matwi cele ndi muno we mweneco walavile. Awewe wasunga ulayo wako onsi utaizipila, vino walavile umuomvi wako Mose.

2 Yamwene 10:10

Lyene manyini ukuti amazwi yonsi yano Yawe wavwanzile pamulandu na amu mupanda wakwe Aabu yalafikiliziwa. Yawe watafikilizya vino wavwanzile kupitila muli Eliya, umuomvi wakwe.”

2 Yamwene 15:12

Fwandi ali vino ulayo wakwe Yawe wafikiliziwe, uno wanenyile umwene Yeu ati, “Amu mupanda wako, ukwizafika uku mukulo uwalenga cini, ali yano yalalasikwa pa vilimba vya wene umu Izlaeli.”

2 Yamwene 22:16

ne Yawe navwanga nati, ndapezya Yelusalemu kumwi na ikazi ya mwenemo, wakwe vino calembwa mu lupapulo luno umwene waku Yuda watawelenga.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Ezaya 55:11

ali vino ni zwi lyane nalyo lisiweluluka kunondi, suka lyatala lyacita vino nkulonda, lyamalila nu mulimo uno nalitumile.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Luka 1:28

Mungeli aiiza kunoli nga amunena ati, “Kwaita wemuno Leza wakumbusuka pakalamba! Mwene ali nawe.”

Luka 1:80

Lino Yoane wakulanga, Mupasi Wamuzilo wamupile maka akulu cuze. Watenzi mu lwanga kufika uwanda uno wizile aloleka paswe ku ina Izlaeli.

Luka 2:40

Mwana akula, akomeleka aya na mano, nga Leza nawe amupolelela.

Luka 2:52

Yesu wakulanga ku mwili nu mu mano, ala akutemwikwa na Leza nga na antu.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

Malango 18:22

Ndi cakuti vino kasema wiyo wavwanga apaswe mwi zina lyakwe Yawe vitafikiliziwa, ale lyene lisi ilandwe lino Yawe wavwanga. Kasema wiyo waivwangila sile ivyakwe, nga mutakezye kumoopa.”

2 Timoti 4:22

Mwene asunge umi wako. Cikuku cakwe Leza ciye namwe mwensi.

Yoswa 21:45

Kutali nanti ulayo onga pa malayo asuma yano Yawe walavile aina Izlaeli uno utafikiliziwe. Amalayo yonsi kwene yafikiliziwe.

Yakapingula 13:24

Umwanaci wilya pali pakwiza vyala umwana umonsi nga amutemela izina ati a Samusoni. Umulumendo wilya akula nga Yawe amupolelela,

1 Samueli 10:7

Lino ivimanyililo vii vyonsi vyaya vyaloleka, uye ukacite icintu icili consi cino wayalola ukuti acili cino cingakuzipila, pasi pano Leza ali nawe.

1 Samueli 12:2

Lyene ndakai mukweti uwa kumutungulula. Nemo lyene natinkota, nupya indi ni imvwi na ana yane aonsi yali pamwi namwe. Namutungululanga ukutandika sile mu ulumendo wane ukufika na ndakai.

1 Samueli 16:18

Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”

1 Samueli 18:12

“Saulo aoopa Davidi, pamulandu wakuti Yawe wali na Davidi lelo wene asya aliwe.

1 Samueli 18:14

Nupya wene wali nu longo muli vyonsi vino wacitanga, pamulandu wakuti Yawe wali nawe.

1 Samueli 18:5

Muli vyonsi kwene vino Saulo watumanga Davidi ukuyacita, wene ataposiwanga cakuti Saulo amulasika icifulo icikulu icamu vita. Na cii cazanzizye antu yonsi, kumwi ni ntunguluzi kwene zyakwe Saulo.

1 Samueli 2:21

Yawe nawe pali pakuvwila Hana uluse. Hana aca akwatilapo ana nayauze, aonsi yatatu na anaci yaili. Lelo Samueli wene akula umu kutumikila Yawe.

1 Samueli 2:26

Umulumendo Samueli ala akukulila kweneko umu ciimo alino nu kutemwikwa kuli Yawe nu ku antu.

1 Samueli 9:6

Lelo umuomvi wakwe amunena ati, “Pembela panono! Mu musumba uu mwaya umuntu wakwe Leza wino antu yacindika sana pamulandu wakuti consi cino walanda cikafikiliziwa. Leka tukamulole. Limwi wene angatunena ukungazanwa yapunda.”