1 Samueli 3:12 - Amazwi Yakwe Leza 2013

¹² Mu wanda kwene uwo ndafikilizya vyonsi vino navwanzile ukuti ndacita kuli Eli nu ku ang'anda yakwe.

1 Samueli 3:12 ပူးပေါင်းရင်းမြစ်များ

Ezekelo 21:5

Alino antu yalamanya ukuti nene ne Yawe, natinsomola ulupanga mu cituwo, nupya ntalaluswilizyamo nalyuze.’

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Luka 21:33

Iyulu ni nsi vitalikalilila manda pe, lelo mazwi yane yene yalikalilila manda pe.

Yoswa 23:15

Lelo mu musango uli umwi kwene uno Yawe wafikilizya ivisuma vino walavile, avino wene alamuletela iviipe vyonsi panomuli vino wamusopisizye, mpaka asuke amuzinge umu mpanga ii isuma ino wamupeela.

Yakapingula 4:24

Aina Izlaeli yatwalilile ukunyata Yabini mpaka iyamukoma.

1 Samueli 4:11

Pali pakupoka Mbokosi ya Upangano yakwe Leza, nga iyakoma Hofini na Pineasi, ana aonsi yaili yakwe Eli.

1 Samueli 4:17

Nawe kaleta wa mazwi aasuka ati, “Aina Izlaeli yatiyutuka aina Filisti, nga ni vita vitu vyativikomwa wakwe cimwi. Na ana yako kwene yoili, Hofini na Pineasi, yatiyafwa. Ni Mbokosi kwene ya Upangano yakwe Leza yatiyapoka.”

1 Samueli 4:21

Atemela umwana wilya umonsi izina ati a Ikabodi, ale akuti, “Ululumbi lwatilufuma pakasi ka ina Izlaeli” ala akusontelela ku Mbokosi ya Upangano yakwe Leza ino yapokwa nga nu ku mfwa yakwe sivyala na yakwe iya.

1 Samueli 4:22

Avwanga ati, “Ululumbi lwatilufuma pakasi ka ina Izlaeli, pamulandu wakuti Mbokosi ya Upangano yakwe Leza yatipokwa.”