1 Samueli 29:3 - Amazwi Yakwe Leza 2013

³ Alino yamusika akalamba ya vita vya ina Filisti iyuzya iyati, “Nga antu yaa Ayebulai, ivyani vino yakucita kuno?” Akisyi aasuka ati, “Uzye wi, asi ali Davidi wiyo uwali umuomvi wakwe Saulo umwene wa ina Izlaeli? Pano nemo natandikila ukwikala nawe patipapita umwaka onga nu kucila penepo. Alino na pano wizile azina kuli nene ntamulola na kai kamwi.”

1 Samueli 29:3 ပူးပေါင်းရင်းမြစ်များ

Utandiko 14:13

Lelo umuntu umwi uwapunsumwike aya anena Abulamu Muyebulai. Abulamu wikalanga pipi nu ku miti yamuzilo yakwe Mamule mwina Amoli. Mamule na Esyikoli nga na Anele yali aina, apangine kulemana na Abulamu ku vya nkondo.

1 Milandu 12:19

Asilika yamwi amu mutundu wakwe Manase yalondela Davidi lino wizile pamwi na ina Filisti ku kulwisya Saulo. Lelo Davidi wene atayazwilizye ukulwa inkondo foo, pamulandu wakuti intunguluzi zya ina Filisti zyapandine amano, izinena na Davidi kuti afume kunoyali. Pano zyelenginye ukuti limwi wene angavukila ku lusansa lwakwe Saulo, uwali umusambazi wakwe mpiti. Acino yamunena ukuswilila ku Zikilagi.

1 Milandu 12:20

Antu yakwe Manase yamwi pali pakulondela Davidi lino waswililemo ku Zikilagi. Amazina yao a Adina, Yozabadi, Yediaeli, Mikaeli, Yozabadi, Eliu na Ziletai. Lino yali mu mpanga yakwe Manase, yene yali intunguluzi zya mpuka ya vita izimbi.

Danieli 6:5

Mu kusyalikizya, antu yaa yavwanzyanya yati, “Tutalatala tuzane icili consi cakupeelelapo Danieli umulandu suka sile icikumile upefi wakwe.”

Yoane 19:6

Lino yasimapepo akalamba na yakalinda ya Ng'anda ikulu yakwe Leza yamulola, yasanzika mazwi yao yati, “Atanwe pa lupanda! Atanwe pa lupanda!” Pilato ayanena ati, “Mwemwe kwene musendini mukamutane, pano kwene nemo ntamuzanyile nu mulandu.”

Loma 12:17

Umwi ndi wamucitila ciipe, namwe mutamucitila ciipe. Ezyini kucita vintu vino antu yonsi yalola ukuti visuma.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Samueli 14:11

Acino yoili kwene iyasokoloka nu kulolekela ku nkambi ya ina Filisti. Aina Filisti nayo yavwanga iyati, “Silolini mwe! Ayebulai yamwi ayaya yakufuma umu viwina muno yaliyafisime.”

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

1 Samueli 27:1

Alino Davidi aelenganya ati, “Uwanda umwi ndafwila mu minwe yakwe Saulo. Icampomvu sile cino ningacita, nkande mpuukile sile ku mpanga ya ina Filisti. Lyene Saulo alasuka atonte sile muno akunsapika ukuli konsi mu mpanga ya ina Izlaeli, nga nani ndapusuka kunoli.”

1 Samueli 27:7

Davidi watenzi umu mpanga ya ina Filisti umwaka onga ni myezi ini.

1 Samueli 29:6

Akisyi aama Davidi nga amunena ati, “Icumi nalapa umwi zina lyakwe Yawe waumi ukuti wewe muntu umwi uwacumi. Nemo apa lwane ningatemwa sana ukuti tupite swensi ku nkondo. Nemo intazana akai nanti kamwi muli wewe, ukufuma pa wanda uno wizile uzina ukwane.

1 Samueli 4:6

Lino aina Filisti yuvwa icongo, iyuzya iyati, “Uzye icongo cii mu nkambi ya Ayebulai calola mwi?” Lino yamanya ukuti Mbokosi ya Upangano yakwe Yawe yatiletwa mu nkambi,