1 Samueli 28:6 - Amazwi Yakwe Leza 2013

⁶ Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.

1 Samueli 28:6 ပူးပေါင်းရင်းမြစ်များ

2 Samueli 22:42

Yene yakalonda ukwazwiliziwa, lelo kusi umwi akayazwa. Yakapepa kuli Leza lelo wene asiyasuka.

Masamu 74:9

Intambi zitu zyonsi izyamuzilo zyatizisila. Yakasema kusi nanti wenga asile, alino kusi nanti wenga angamanya kuno icintu cii cilapelela.

Kufuma 28:20

Pa mulongo wakwe cini paye amawe yakwe belulo, onikisi nga na yaspele, alino vyonsi vivyo viikwe mu vyakusimpamo vyakwe zaabu.

Kufuma 28:30

Mu cakuzwala ca pacisao cico uwaikamo vintu vyamuzilo vyakwe Yawe vino vikaamwa ukuti Ulimu na Tumimu, kuti vintu vivyo vyaya pa cakuzwala ca pacisao cakwe Aaloni pakuya kuli Yawe. Avino Aaloni akaaya ku manso yakwe Yawe insita zyonsi, akakwata vyakumwazwa kupingula ningo aina Izlaeli.”

Mapinda 27:1

Utaezya ukuitakizya apavya wanda wa mutondo, pano utamanyile vino uwanda uwo ulaca.

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

Yowelo 2:28

“Apacisila ca nsita imwi, uwanda wakwe Yawe ulafika, lino ndapongolwela Mupasi wane pa antu onsi, Ana inu aonsi na anaci yalasema, na ikolo yalalota viloto, na ana inu alumendo yalalola vilolwa.

Aina Levi 8:8

Lyene amuzwika cakuzwala ca pacisao, alino mu cakuzwala cico aikamo vintu vikaamwa Ulimu na Tumimu.

Mika 3:7

Yakasema yalaya ni nsonyi pakuposiwa kwao, nga yakasapoola yalazewana, pamulandu wakuti Leza atalayaasuka.

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Mateo 1:20

Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

Yoane 9:31

Twamanya vino Leza asyauvwa yakaifya. Wene akauvwa antu yano akamucindika nu kucita kulonda kwakwe.

Malango 33:8

Apa mutundu wakwe Levi napo wavwanzile ati, “We Yawe, sokolola ukulonda kwako ukupitila umukuomvya Ulimu na Tumimu Ukupitila mu ina Levi, aomvi yako acumi. Wemo wayezizye ku Masaa. Nu ku Meliba wayapimile kuti ulole ndi yene acumi.

Yakobo 4:3

Nupya lino mukamulenga musyapeelwa, pano mapange inu aipe. Mwemo mukalenga vintu vya kuizanzya mweisikulu.

1 Samueli 14:37

Acino Saulo auzya Leza ati, “Uzye inje ku ina Filisti inkayazanze? Uzye umatupeela ucimvyo?” Lelo Leza atamwaswike mu wanda ulya.

1 Samueli 28:15

Samueli anena Saulo ati, “Uzye pacani cino wanganola apa kundeta kuno?” Saulo aasuka ati, “Indi umu ntazi ikulu! Aina Filisti yakundwisya, nga Leza watamfutatila. Wene watata ukungasuka ukupitila muli yakasema nanti umu viloto kwene. Acino natinkwama kuti wize unene ivyakucita.”

1 Samueli 28:5

Lino Saulo walola ivita vya ina Filisti, auvwa intete. Umwenzo wakwe iuzakaza ku ntete.