1 Samueli 28:4 - Amazwi Yakwe Leza 2013

⁴ Ivita vya ina Filisti ivikongana nu kukuula inkambi ku Syunemu, nga Saulo nawe akonganika aina Izlaeli yonsi nu kukuula inkambi yao ku Giliboa.

1 Samueli 28:4 ပူးပေါင်းရင်းမြစ်များ

2 Samueli 1:21

“Namwe mwe myamba ya Giliboa, ulumi lutakezye ukumukunga nanti sile imvula nayo kwene itakezye ukutonya mwenemo! Impanga nayo itakatale ikavunde, pano ali muno ivisyangu vya malumba itu vyasyala vikuliwa ni ngalawa, nga amuno ni cisyangu cakwe Saulo ciikala ukwaula kucipukuta na mafuta.

2 Samueli 1:6

Nawe amwaasuka ati, “Cali sile nsula ala indi pa Mwamba wa Giliboa nga ndola Saulo ala watasintilila isumo lyakwe. Lyene papo kwene ndola amaceleta yakwiza alino na antu akwezile pa mfwalasi yamulungime kuti yakamuvwangatile nu kumulema.”

2 Samueli 21:12

aya atoola amafupa yakwe Saulo na yakwe Yonatani umwana wakwe umonsi ukufuma ku ina Yabesyi umu mpanga ya Gileadi. Antu yaya walanga yiya ivyala pa ncende yakukonganilapo mu musumba wa Beti Syani, kuko kuno aina Filisti yanyinyinzye ivyala pa wanda uno yakomile Saulo pa Mwamba wa Giliboa.

1 Yamwene 1:3

Kwali ukulondalonda umukazyana mu mpanga yonsi iya ina Izlaeli, nga mu Syunemu iyazanamo umukazyana wino yamanga izina yati a Abisyagi. Lyene iyamuleta ku mwene.

2 Yamwene 4:8

Uwanda umwi Elisya aya ku Syunemu ukwikalanga umwanaci umwi umukama. Wene wapapatilanga kasema Elisya kuti aalya icakulya uku ng'anda ukwakwe lyonsi lino Elisya wapita inzila kwene iyo.

Yoswa 19:18

Impanga ino yapilwe yafisile ku Yezileele, nu ku Kesuloti, nu ku Syunemu,

1 Samueli 28:5

Lino Saulo walola ivita vya ina Filisti, auvwa intete. Umwenzo wakwe iuzakaza ku ntete.

1 Samueli 31:1

Aina Filisti iyalwa inkondo na ina Izlaeli. Aina Izlaeli iyutuka ukufuma kunoyali, nga na ingi iyakomwa pa Mwamba wa Giliboa.

1 Samueli 31:8

Uwanda uwalondelela, lino aina Filisti yiiza ku kupeketa ivyala, iyazana Saulo na ana yakwe yatatu yalambalile pa Mwamba wa Giliboa ala yatiyafwa.