1 Samueli 28:16 - Amazwi Yakwe Leza 2013

¹⁶ Samueli amunena ati, “Uzye pacani cino wiza ku kuuzya kunondi, apakuzana ukuti Yawe watakufutatila nga nupya wataya umwanisi wako?

1 Samueli 28:16 ပူးပေါင်းရင်းမြစ်များ

2 Yamwene 6:27

Umwene waku Izlaeli nawe amunena ati, “Ndi cakuti Yawe aliwe atakwazwilizye, uzye aukwi kuno nemo ningafumya icakukwazwa? Uzye uku lwano lwa kupuulila nanti ukwakufenela amatingi kwasyalako cimwi?”

Nyimbo zya ndosya 2:4

Akukana ulapwa nu kutusonta ni nceto ungati sweswe anisi yakwe. Watakomola vyonsi vino ilinso lingatemwa ukulola. Watapongolwela icipyu cakwe wa moto, umu mang'anda yakwe swe ina Zioni.

Nyimbo zya ndosya 2:5

Yawe wataonona Izlaeli ungati umwanisi wakwe. Wataongolola amasano yakwe yamwene kumwi na malinga aya mwenemo. Wataletela antu amu Yuda ulanda uno utangasila.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 18:24

Babiloni wavunwikwe pamulandu wa wazi wakwe yakasema nu wa antu yakwe Leza, nga nu wa antu yonsi akomilwe muno nsi.

Yakapingula 5:31

Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.

1 Samueli 28:15

Samueli anena Saulo ati, “Uzye pacani cino wanganola apa kundeta kuno?” Saulo aasuka ati, “Indi umu ntazi ikulu! Aina Filisti yakundwisya, nga Leza watamfutatila. Wene watata ukungasuka ukupitila muli yakasema nanti umu viloto kwene. Acino natinkwama kuti wize unene ivyakucita.”

1 Samueli 28:17

Yawe watacita cino wene wasemile kupitila muli nene. Yawe watapokolola uwene mu makasa yako nu kuupela ku muntu muze, kuli Davidi.