1 Samueli 25:39 - Amazwi Yakwe Leza 2013

³⁹ Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.

1 Samueli 25:39 ပူးပေါင်းရင်းမြစ်များ

2 Samueli 1:16

Davidi avwanga nu kuvwanga ati, “Umulomo wako uwakulya. Wewe wemwisikulu watuilandila pa kanwa kako ukuti wakomile umusololwe wakwe Yawe.”

1 Yamwene 2:44

Umwene anena na Syimei kwene ati, “Umanyile mu mwenzo wako ukuluvyanya konsi kuno wacisile kuli tata Davidi. Acino ndakai Yawe amakuvunuka pali vivyo.

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Esita 9:25

Lelo walanga namwene Esita watwala umulandu uo ku mwene, umwene nawe avino wapile ilamulo mu malembelo, ilyakuti Hamani pamwi na ana yakwe yakulikwe uku vimuti.

Masamu 7:16

Ali cino fwandi uyi wakwe umweneco ali uno ukamulya. Ukuzekemwa kwakwe, ali kuno kukamuletelela.

Masamu 9:5

Wakalipila ainamasi nu kupezya aipe. Amazina yao yatalatala yiusiwe awe.

Mapinda 18:22

Uwasyukila umuci wazana ulongo. Lelo Yawe aliwe wamukumbusuka.

Mapinda 19:14

Upyanyi wa ng'anda ni vyuma ukalonkwa uku vikolwe, lelo Yawe sile aliwe angapeela umonsi umuci umufyeleke.

Mapinda 22:23

Pano Yawe ali kavwangila wao, aliwe alapokolola nu umi wakwe yano yayapata.

Mapinda 31:10

Aweni wiyo angazana umuci umufyeleke? Ala wene wacindama ukuluta ukasi uwamutengo.

Mapinda 31:30

Upaale wene ukasomba sile. Ukuyemba nako kwene ukwasilesile. Lelo umwanaci wino akaoopa Yawe, aliwe alinzile ukulumbanyiziwa.

Lwimbo lwakwe Solomoni 8:8

Twakwata kaci witu munono, na mayele yakwe yacili anono. Uzye tulamucitila cani lino lumbwe alalonda kumutwala?

Mika 7:9

Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.

2 Kolinto 13:7

Swemo tukapepa kuli Leza kuti mwacita viipe. Asi kuti tuloleke kwati twacimvya, lelo kuti mwemo mutacita visuma, nanti angala cingaloleka kwati twaposiwa.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Yakapingula 5:2

Lumbanyini Yawe Aina Izlaeli yaifimile ukulwa Antu yaipile ku kuitemelwa kwao sile!

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.

1 Samueli 25:32

Davidi nawe pali pakunena Abigelo ati, “Alumbanyiwe Yawe, Leza wa ina Izlaeli, wino uwatakutuma ilelo ku kwiza nkomenkanya.

1 Samueli 25:34

Pasi pano inkulapa umwi zina lyakwe Yawe, Leza waumi, uwa ina Izlaeli, wino uwandesyanya ukukucitila iciipe. Iciya cakuti ukana ukwiza nkomenkanya zuwazuwa, akatondo ngano kutasiile umuntu nanti wenga umonsi uwamu ng'anda yakwe Nabali uwange apusuke!”

1 Samueli 25:40

Aomvi yakwe iyaya ku Kalimeli nga iyanena Abigelo iyati, “Davidi watatutuma kunuli kuti tukusende nga ukaye umuci wakwe.”

1 Samueli 26:10

Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.