1 Samueli 25:36 - Amazwi Yakwe Leza 2013

³⁶ Walanga Abigelo waswililamo, azana Nabali watacita icimulo umu ng'anda yakwe kwati cino yakateyanyizizya ya mwene. Wene wasansamwike nga akoleka sana cakuti umuci atamunenyile nanti cimwi mpaka ukufika akatondo.

1 Samueli 25:36 ပူးပေါင်းရင်းမြစ်များ

2 Samueli 13:23

Lino papisile imyaka iili, Abusalomu ale akusenya imfwele zyakwe amavumbu ku Baali Hazoli, pipi nu ku Efulemu, nga aama ana ya mwene aonsi yonsi.

2 Samueli 13:28

nga apeela ilamulo ku yaomvi yakwe ati, “Uvwini kuno! Mulolekesye lino Amunoni amakoleka waini, nga nani ndi niza napeela ilamulo nati, ‘Mukomini Amunoni,’ mwemo ukumukoma. Mutuvwa intete, foo. Uwo umulandu wane nene. Mwemo musipe sile.”

2 Samueli 3:20

Lino Abineli wiza kuli Davidi ku Hebuloni pali pamwi na antu yakwe amakumi yaili, Davidi ayimula.

1 Yamwene 20:16

Inkondo itandika lino ilanzi lyafika pa mutwe papela, lilyo ale Beni Hadadi pamwi na yamwene yano yuvwananga nawe yali mu mataalu yao yakumwa. Yamwene yaya yonsi pamwi yali 32.

Masamu 112:5

Wasyuka umuntu wiyo uwaya nu mwenzo wa kukopesya auze, wiyo atakwata ucenjezi muli vyonsi vino akacita.

Mapinda 20:1

Waini akatumfya, nu wengwa ulume ukaleta ulwete. Na wiyo wensi akavilondelela, iciwelewele.

Kasambilizya 10:19

Vimulo vingakusansamusya, alino waini nawe angakuzanzya. Lelo utange uzane vyoili vii ukwaula impiya.

Ezaya 28:3

Ivingala vya maluwa ivyacilumba, ivikazwala intunguluzi zizya zicakolwa, vili nu kulyatolwa.

Ezaya 5:11

Kalanda kuno muli mwemuno mukazyuka katondotondo nu kutandika ukumwa waini, lyene imucelwa ukuwela ku mang'anda usiku pamulandu wa kukoleka.

Yelemiya 51:57

Asambazi yakwe namayamwesya ivyakuti yakoleke, kumwi na alasi yakwe, yamusika yakwe ni vita vyakwe kwene. Yalapona mu tulo twa muyayaya, yatalatala yazyuke nupya. Ivyalanda ne Mwene wino izina lyakwe a Yawe. Izina lyane anene Yawe Wamaka yonsi.”

Oseya 4:11

Yawe akuti, “Waini wampiti nanti umupya kwene, wene akaonona amano.

Naumi 1:10

Wa myunga ipombane nupya wa vipelele, mwe antu akolesi mulociwa nu moto!

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Luka 14:12

Lyene Yesu anena wino uwamwamile ati, “Lino ukupeela vyakulya vya nsita ya musanya nanti mulalilo, utaama yacuza yako nanti aina yako nanti akazi kako nanti ainipamba akama. Pano nao kwene yalakwama, nga mu musango ndi uu ulalipilwa pali cino wacisile.

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Samueli 25:19

Alino anena aomvi yakwe ati, “Ndokwini kolelini. Nemo namaizanga pacisila cinu.” Lelo wene wacisile cico ukwaula kulanda nanti cimwi kuli iya, Nabali.

1 Samueli 25:37

Lyene akatondo lino waini wakololoka Nabali, umuci amunena ivintu vii vyonsi. Nga lino Nabali uvwa vivyo afwa icipafi, nga alambalala papa wa mulando.