1 Samueli 25:29 - Amazwi Yakwe Leza 2013

²⁹ Ndi umuntu mui wezya ku kuzanza kuti akukome, Yawe Leza wako alakucingilila wakwe vino umwi akacingilila icuma icamutengo ukulu. Lelo wene alavwinta anisi yako wakwe vino antu yakafiika amawe na legeni.

1 Samueli 25:29 ပူးပေါင်းရင်းမြစ်များ

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

2 Samueli 4:8

Iyatwala umutwe wakwe Isyibosyeti ku mwene Davidi ku Hebuloni nga iyamunena yati, “Uu, uli mutwe wa mwanisi wako Isyibosyeti, umwana umonsi wakwe Saulo, uwezizye ku kukoma. We mwene wane, ilelo Yawe wakulandwila kweneko Saulo na amu mupanda wakwe.”

Yobo 27:22

Umuza ukuyapupanya nanti yangezya uli ukupuuka.

Masamu 116:15

Ala Yawe cikamuwaya sana umuntu wakwe umwi nga wafwa.

Masamu 54:3

Antu ya vilumba yatiyankatukila. Antu akakate yakulonda yankome, yayo atasakamala na Leza.

Masamu 66:9

Aliwe akatusunga nu kutupisya ulumi, nu kuleka ingazo zitu ukukana syetuka.

Yelemiya 10:18

Yawe Leza wasya amuvwintile kutali ni mpanga ii.

Malaki 3:17

Yawe Wamaka yonsi wavwanga wati, “Antu yayo yalaya akwane. Pa wanda uwo lino ndacita cimwi, yene yalaya akwane kololo. Ndaya na mizu kunoyali ndi vino umukwasi akaya na mizu ku mwanakwe wino akamutumikila.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.