1 Samueli 25:28 - Amazwi Yakwe Leza 2013

²⁸ Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

1 Samueli 25:28 ပူးပေါင်းရင်းမြစ်များ

2 Samueli 5:2

Ku mpiti, lino Saulo wali umwene awewe kwene watungululanga aina Izlaeli umu nkondo. Yawe nawe wakulavile ukuti ulatungulula antu yakwe nu kuya umwene wao.”

2 Samueli 7:11

mu manda yalya yano nasonsile intunguluzi zyakuti zyatungulula antu yane aina Izlaeli. Ndayatuula ku anisi yao yonsi nu kukuzya uluko lwako. Anene ne Yawe nalanda kunuli ukuti ndacita vivyo.

2 Samueli 7:16

Uluko lwako nu wene wako vilayelelela amanda yonsi pa manso yane. Nupya uwene wako ulaya uwa manda pe.’ ”

2 Samueli 7:27

We Yawe Wamaka yonsi, Leza wa ina Izlaeli, pamulandu wakuti watuvwanga kuli nene ne muomvi wako uti, ‘Ndatoola ana yako, ayano yace yaya pa wene,’ ali cino nu kupama natimpama pa kupepa ipepo lii.

1 Yamwene 15:3

Abiya wene wacisile amaifyo yonsi yano isi wacisile. Wene atali uwacumi kuli Yawe nu mwenzo onsi, ndi vino Davidi icikolwe cakwe cali.

1 Yamwene 15:5

Cali vivyo pamulandu wakuti Davidi wacisile ivisuma pa manso yakwe Yawe, nupya mu manda yonsi ya umi wakwe wene atakanyile kuyela amalamulo yakwe, suka sile pamulandu onga sile wakwe Uliya umwina Hiti wilya.

1 Yamwene 9:5

lyene ale ndaleka icilimba ca wene wako ciyelelele mu Izlaeli wakwe muno nalavile so inti, ‘Utalatala uulizye umuntu wako pa cilimba ca wene uwamu Izlaeli.’

1 Milandu 17:10

mu manda yalya yano nasonsile intunguluzi zyakuti zyatungulula antu yane aina Izlaeli. Ndayacimvizya anisi yao. Anene ne Yawe nalanda kunuli ukuti ndacita vivyo.

1 Milandu 17:25

We Leza wane watunsokolwela ne muomvi wako ukuti ulalasika amu mupanda wane pa cilimba ca wene. We Yawe, wewe uli Leza wenga mpo! Nupya walaya ivintu vii ivisuma ku muomvi wako. Acino ne muomvi wako nkupepa nu kupama kunuli.

2 Milandu 20:15

Wene wavwanzile ati, “Uvwini mwe Ayuda mwensi na mwensi mwe ikazi amu Yelusalemu alino nawe kwene mwene Yeosafati vino Yawe akumunena ati, ‘Mutuvwa intete nanti kutovoka pano ulwi uu usi winu. Lelo uwakwe Leza.

Masamu 7:3

We Yawe Leza wane, ndi cakuti natazile ncita cii, cakufyenga umuntu umumi,

Masamu 89:29

Ana yakwe ali yano yamatwalililanga ukuya apa wene pee, nu wene wao ulayelelela pee na ndi, wi yulu.

Mpendwa 23:21

Ntazanyile iciipe muli Yakobo, Ntaweni intazi muli Izlaeli. Yawe Leza wao ali nayo. Umwakwe muvwika utupundu twakuzangila umwene.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Luka 23:41

Swemo catulingana ukuvunukwa, pano tukupokelela cilambu ciine ni milimo itu. Lelo pasi cintu cimwi ciipe cino umuntu wii wacita.”

Luka 23:47

Musika wa mpuka ya vita lino walola vino ivyacitike alumbanya Leza, ati, “Cumi umuntu wii wali uwakaele!”

1 Samueli 15:28

Samueli avwanga ati, “Yawe watapoka uwene wa ina Izlaeli kuli wewe ilelo kwene nu kuupela ku muzo umuntu wampomvu ukuluta wewe.

1 Samueli 17:47

Nu muntu wensi pano alamanya ukuti Yawe asilonda amalupanga nanti amasumo pa kutuula antu yakwe. Wene akacimvya umu ulwi, nga alapeela mwensi kwene umu makasa itu.”

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 2:35

Ndailondela nenga simapepo uwampomvu wino alaomba vyonsi vino nkulonda. Indamupeela ana, yano yalaatumikila lyonsi pa manso yakwe kateeka wino nasolola.

1 Samueli 22:14

Aimeleki nawe aasuka umwene wilya ati, “Uzye aweni umu yaomvi yako yonsi uwaya uwacumi ukuluta Davidi, sovyala, nupya musika mukulu wakwe yakalinda yako akwi sano nga na yasimucindikwa yonsi amwi sano lyako?

1 Samueli 24:11

Tata, silola akapimfya ka mwingila wako kano ndemile mu minwe! Ninalepula isempele lya mwingila wako, lelo ntakukomile. Acino lyene manya vino nemo ntakweti umulandu umwi nupya ntakusangukila awe. Nemo ntifya kunuli, lelo wemo ukundunga kuti unkome.

1 Samueli 24:17

Alino anena Davidi ati, “Wemo watucita icisuma, lelo nemo natincita iciipe.

1 Samueli 24:21

Lelo wemo ulinzile ukundaya ukuti utalakoma amu mupanda wane, pakuti izina lyane kumwi ni lya akazi kane litakalowe.”

1 Samueli 24:4

Antu yakwe Davidi yavwanga iyati, “Uu, uli wanda uno Yawe wavwanzile ukuti alapeela umwanisi wako umu makasa yako kuti umucitile icili consi cino ukasi.” Lyene Davidi asela ukwaula kuti yamanye nga asentula isempele lya mwingila wakwe Saulo.

1 Samueli 25:24

pipi na pa ngazo zyakwe Davidi. Alino avwanga ati, “We musambazi wane, napapata leka umulandu onsi uye pali nene. Napapata unzumilizye ne muomvi wako kuti ndande, na kuti utezye kunondi.

1 Samueli 29:3

Alino yamusika akalamba ya vita vya ina Filisti iyuzya iyati, “Nga antu yaa Ayebulai, ivyani vino yakucita kuno?” Akisyi aasuka ati, “Uzye wi, asi ali Davidi wiyo uwali umuomvi wakwe Saulo umwene wa ina Izlaeli? Pano nemo natandikila ukwikala nawe patipapita umwaka onga nu kucila penepo. Alino na pano wizile azina kuli nene ntamulola na kai kamwi.”

1 Samueli 30:26

Lino Davidi waswilile ku Zikilagi, watozile ivisampwe vimwi atumila auze ali ntunguluzi zyamu Yuda, alanda na mazwi yaa, ati, “Uo uli wila uno namutumila, uno napaatula pa visampwe vino naile impokolola ku anisi yakwe Yawe.”