1 Samueli 25:26 - Amazwi Yakwe Leza 2013

²⁶ “Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.

1 Samueli 25:26 ပူးပေါင်းရင်းမြစ်များ

Utandiko 20:6

Mu ciloto kwene Leza amunena ati, “Endi, nimanya ukuti wamanyile ukuti usi mulandu acino nakucinkula kuti utiifya kunondi pa kwingila ng'anda na Sala.

2 Samueli 18:32

Umwene nawe auzya umwina Kusyi wilya ati, “Uzye umulumendo Abusalomu umucingililwe?” Umwina Kusyi wilya aasuka ati, “Si cange cizipe ivicitike kunoli vicitikile anisi ya musambazi umwene wane na kuli yonsi yano yakusangukila.”

2 Yamwene 2:2

Eliya anena Elisya ati, “We Elisya, cazipa wikale pano, pasi pano Yawe watantuma kuti mpite ku Betele.” Lelo Elisya avwanga ati, “Nalapa umwi zina lyakwe Yawe waumi, nga na pali wewe ukuti ntalakusya.” Acino yoili kwene iyatentemukila ku Betele.

2 Yamwene 4:6

Lino imisazi yonsi yazula, mukamfwilwa wilya auzya ana yakwe aonsi ndi cakuti pa misazi ino yaliyazima patipasyala umusazi umwi. Lelo umwana wakwe wenga amwaasuka ati, “Awe, kusi nanti onga uwatiusyala.” Lilyo kwene na mafuta iyata ukwitulukila mu musazi ulya.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Mapinda 31:12

Wene akacitila iya ivisuma, ukwaula ukumuletela iviipe umu umi wakwe onsi.

Yelemiya 29:22

Apamulandu wakwe alio kwene azya yonsi ukufuma ku Yuda, yano yali ku Babiloni yalaomvya intipu zi syamo lyao, zyakuti Yawe angala akucitile vino wacitile Zedekiya na Aabu, yano mwene waku Babiloni wasalwile apuma pa moto!

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Ayebulai 10:30

Pano twamanya wino uwavwanzile ati, “Ndalandula nu kumuswilizizya” nu wavwanzile ati, “Mwene alapingula antu yakwe.”

1 Samueli 1:26

Alino Hana anena Eli ati, “Musambazi, uzye unganjiusya? Anene umwanaci wilya uwimilile muno apipi nawe ala akupepa kuli Yawe.

1 Samueli 2:9

“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.

1 Samueli 20:16

Caleka Yonatani acita upangano na Davidi, ala akuti, “Ndi cakuti wacawavuna upangano, lyene Yawe alakuvunuka.”

1 Samueli 20:3

Lelo Davidi pali pakumunena nu mulapo ati, “So wamanya ningo sana ukuti wemo wantemwa, acili cino fwandi atangatemwa ukuti wewe we Yonatani umanye umulandu uo. Pasi pano ndi wamanya umwenzo wako ungakuwaya sana. Acili cino fwandi nkulapa kunuli umwi zina lyakwe Yawe uwa umi nupya lino wemo ucili nu umi, ukuti kwasyala panono sile kuti nemo imfwe.”

1 Samueli 22:3

Lino Davidi wafuma kuku pali pakuya ku Mizipa umu mpanga ya ina Moabu. Alino anena umwene wa ina Moabu ati, “Napapata leka yamayo na yatata yikale kuno kwene mpaka intale imanye vino Yawe akalonda ukuncitila.”

1 Samueli 25:25

Mukwai napapata, ala we musambazi utasumba amano kuli Nabali, umuntu wilya uwa lukang'ansi. Wene iciwelewele ndi muno izina lyakwe lyalola. Ni micitile yakwe iya uwelewele! Lelo nemo ne muomvi wako, we musambazi, ntalimbweni antu yano wali watuma.

1 Samueli 25:39

Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.

1 Samueli 26:10

Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.