1 Samueli 25:21 - Amazwi Yakwe Leza 2013

²¹ Lilyo ale Davidi watailizyanya wakwe cimwi ati, “Ata see! Uzye fwandi naicuzyanga sile apakusumba insita yane ukucingilila ivintu vya muntu wii umu lwanga? Ntaponzizye icintu cakwe nanti conga. Wene wambwezyezya uyi pa visuma vino namucitila!”

1 Samueli 25:21 ပူးပေါင်းရင်းမြစ်များ

Utandiko 44:4

Lino yatali yafike kutali ukufuma mu musumba, Yosefu anena muomvi wino wali akangalila uwamu ng'anda yakwe ati, “Simula, londelela antu yalya. Ndi wayazana uyuzye uti, ‘Musambazi wane wacisile cisuma kunomuli, uzye pacani cino mwamuwezezya uyi pa usuma?

Yobo 30:8

Ana yao lyene yali sile wa viwelewele, yatakweti izina, nu kuyazinga yayazinga umu mpanga yao.

Masamu 35:12

Yene yakundipila uyi apa usuma uno nacita, nga umwenzo wane iunyomelwa na malanda.

Masamu 37:8

Utacita cipyu utaleka cikupenye! Utasakamikwa! Ala citange cikwavwe nanti cimwi.

Masamu 38:20

Pa visuma vyane yene yakancitilapo ui. Yakundwisya nemuno nezyanga ukucita ivisuma.

Mapinda 17:13

Akawezezya uyi apa visuma, atalatala atalusye isyamo apang'anda yakwe.

Yelemiya 18:20

Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

Loma 12:21

Mutacimviwa ni nkota, lelo cimvini inkota pa kucita visuma.

Efeso 4:26

Ndi mwasoka mutaleka kusoka kwinu kumutungulule ku kwifya. Nupya mutikala asoke kufika nu kukuwa kwi lanzi.

Efeso 4:31

Acino tiini kupatana, kuya ni cipyu, nanti kusoka. Tiini kulemanila nanti kutukanana, nanti kwikilana kai mu musango uli onsi.

1 Tesalonika 5:15

Mwasakamala ukuntacitilana cilanduzi. Lelo nsita zyonsi mulinzile kukwata simwililo lya kucita cisuma kuli cila wenga nga nu ku antu onsi.

1 Petulo 3:17

Pano cingazipisya kuti mucule pa kucita visuma kuluta kucita viipe, ndi cili kulonda kwakwe Leza.

1 Petulo 3:9

Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.

1 Samueli 25:13

Davidi nawe pali pakunena antu yakwe ati, “Cila muntu aisokele ulupanga!” Acino cila muntu aisokela ulupanga lwakwe, na Davidi kwene aisokela. Antu manye ukufika ku myanda ini ali yano yakatwike nu kulondela Davidi. Yauze nayo imyanda ini ali yano iyasyala yakulinda iviya.

1 Samueli 25:15

Nanti angala cali cili vivyo antu yatusunzile ningo sana. Kutali nanti ukutucuzya nanti panono. Nalino twali umu mpanga pamwi na alio, kusi nanti cimwi cino twaponzizye.

1 Samueli 25:20

Lino akuya ale akwezile pali punda wakwe, nalino wazingilila sile akamba, iyakomenkana na Davidi na antu yakwe yala yakutentemukila ulunga na aliwe.

1 Samueli 25:7

Wene watauvwa ukuti ukusenya imfwele ku Kalimeli. Yakacema yako lino twali nayo tutayacuzyanga. Nupya kutali icintu cimwi icakwao cino yaponzizye pa nsita yonsi ino yatenzi ku Kalimeli.