1 Samueli 24:8 - Amazwi Yakwe Leza 2013

⁸ Lyene Davidi afuma mwi cele nga aama Saulo ati, “We musambazi umwene wane!” Lino Saulo wacelecensya monsi, Davidi akunkula pansi mucinzimucinzi

1 Samueli 24:8 ပူးပေါင်းရင်းမြစ်များ

Utandiko 17:3

Lyene Abulamu afukama pansi afupime, nga Leza amunena ati,

1 Yamwene 1:31

Nga Batisyeba akontama nga avwanga ati, “Si angala kalukuwala ku mwene wane Davidi pe na pe!”

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

1 Samueli 20:41

Pacisila lino umulumendo wapita, Davidi nawe akatuka lwaku ufumondaka waku nsizi ya mutumba ulya uwa mawe nga afukama pansi amaila yatatu inkolelo yakwe Yonatani ala afupime. Alino yoili kwene iyatonsolana nu kulila aminsozi capamwi. Lelo Davidi walizile ukuluta umuze.

1 Samueli 24:7

Acino Davidi akalipila antu yakwe ukuti yatalinzile ukuzanza Saulo. Saulo akatuka, afuma mwi cele, nga apita.

1 Samueli 24:9

nga anena Saulo ati, “Uzye pacani cino ukauvwila antu yano yakakunena iyati, ‘Davidi akulonda ku kucitila cimwi iciipe?’

1 Samueli 26:17

Saulo pali pakulooka izwi lyakwe Davidi nga avwanga ati, “Uzye izwi lilyo ilyakwako we Davidi mwanane?” Davidi nawe aasuka ati, “Ee mukwai izwi lyane, we mwene.”

1 Samueli 28:14

Kateeka nawe amuuzya ati, “Uzye akuloleka uli?” Nawe aasuka ati, “Wino akufuma umukombe, nupya azwite umwingila.” Lyene Saulo amanya ukuti a Samueli, nga afukama pansi mucinzimucinzi, akontamuka ni cinso cakwe.