1 Samueli 24:4 - Amazwi Yakwe Leza 2013

⁴ Antu yakwe Davidi yavwanga iyati, “Uu, uli wanda uno Yawe wavwanzile ukuti alapeela umwanisi wako umu makasa yako kuti umucitile icili consi cino ukasi.” Lyene Davidi asela ukwaula kuti yamanye nga asentula isempele lya mwingila wakwe Saulo.

1 Samueli 24:4 ပူးပေါင်းရင်းမြစ်များ

2 Samueli 4:8

Iyatwala umutwe wakwe Isyibosyeti ku mwene Davidi ku Hebuloni nga iyamunena yati, “Uu, uli mutwe wa mwanisi wako Isyibosyeti, umwana umonsi wakwe Saulo, uwezizye ku kukoma. We mwene wane, ilelo Yawe wakulandwila kweneko Saulo na amu mupanda wakwe.”

Yobo 31:31

Antu yane yakavwanga lyonsi yati, ‘Kutaya umuntu nanti wenga wino Yobo asiimula.

Masamu 142:1

Nkulaizya izwi lyane kuli Yawe, nkulenga uwazwilizyo. Nkulaizya kuli Yawe, inkupapata.

Masamu 57:1

Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.

Kufuma 21:13

Lelo ndi cacitika sile mu uzanzo, wene atamupanga kumukoma, lyene umuntu wiyo apuukile ku cifulo cino ndamupaatwila, akuno azine.

1 Samueli 22:1

Davidi afuma ku Gati nga apuukila kwi cele lyaku Adulamu. Lino aina yonsi pamwi na ang'anda yakwe yuvwa pali cii, iyatentemukila kunoli kuku kwene.

1 Samueli 23:17

“Utuvwa intete. Tata Saulo atalacita cimwi iciipe kunuli. Wene amanyile ningo ukuti wemo ulaya umwene wa ina Izlaeli nu kuti nene ndaya wakwe ciili kunuli.”

1 Samueli 23:7

Saulo yamulandile ukuti Davidi wataya ku Keila, nga nawe avwanga ati, “Leza watamwika mu makasa yane. Davidi wataiyalila umwisikulu pa kwingila mu musumba uwakulililwa amalinga ni mpongolo ni mifikilo iyakupikilizya.”

1 Samueli 24:10

Ilelo watuilolela wemwisikulu vino Yawe waliwakupeela mu makasa yane mukasi ki cele. Yamwi iyankonkomezya kuti nkukome, lelo inakana ukucita cico. Ninayanena nati, ‘Ntanganezye ukucitila umusambazi wane cimwi iciipe, pamulandu wakuti wene umusololwe wakwe Yawe.’

1 Samueli 24:18

Watunena apaswe ilelo kwene ivintu ivisuma vino watucita kunondi. Yawe wali wapeela nene mu makasa yako, lelo wemo utali wankoma, awe.

1 Samueli 26:23

Yawe akalambula cila muntu wino akacita ivya wololoke nupya uwacumi. Wemo ilelo kwene Yawe alile watakumpalamikila. Lelo nemo ntali nkulonda ku kukoma, wewe wemuno Yawe umwisikulu wasolola ukuya umwene.