1 Samueli 23:7 - Amazwi Yakwe Leza 2013

⁷ Saulo yamulandile ukuti Davidi wataya ku Keila, nga nawe avwanga ati, “Leza watamwika mu makasa yane. Davidi wataiyalila umwisikulu pa kwingila mu musumba uwakulililwa amalinga ni mpongolo ni mifikilo iyakupikilizya.”

1 Samueli 23:7 ပူးပေါင်းရင်းမြစ်များ

Yobo 20:5

isyuko lya muntu umwipe lisitala ilitantalila, ni nsansa zyakwe cisangoka zikalengela sile akasita kanono?

Masamu 31:21

Lumbanyini Yawe! Pano wene wandanga uluse lwakwe ulwa kuzunguka lilyo lino anisi yanzingulwike nu kunzanza.

Kufuma 14:3

Falao wilya alelenganya ukuti aina Izlaeli yakululumba sile mu mpanga nupya ulwanga lwatilulenga kuti yataya ku ufumondaka.

Kufuma 15:9

Umwanisi wako aisomba ati, ‘Namayalondelela lunkwalunkwa nu kuyalema. Namaankanya icuma cao, nu kutoola vyonsi vino nkulonda. Namasomola lupanga lwane nu kusenda vyonsi vino yakwata,’

1 Samueli 23:14

Davidi watwalilile ukufisama mu mpanga iya myamba, umu lwanga pipi nu ku Zifu. Saulo wezyanga lyonsi ku mulondalonda, lelo Yawe atapiile Davidi umu makasa yakwe.

1 Samueli 23:6

Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.

1 Samueli 23:8

Lyene Saulo akonganika ivita vyakwe vyonsi, kuti yaye ku Keila ku kuzanza Davidi na antu yakwe.