1 Samueli 23:6 - Amazwi Yakwe Leza 2013

⁶ Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.

1 Samueli 23:6 ပူးပေါင်းရင်းမြစ်များ

1 Yamwene 2:26

Lyene umwene anena simapepo Abyata ati, “Swilila ku vyalo vyako ku Anatoti. Wemo ulinzile ukufwa, lelo ndakai ntakukukoma awe, pamulandu wakuti wasunganga Mbokosi ya Upangano yakwe Yawe Simwandalali lino wali pamwi na tata Davidi nu kukumako ku ntazi zyakwe zyonsi.”

Kufuma 28:6

Cakuzwala ca efodi yacipangile na zaabu, insalu ya cifungo, yacifuvya, iyenzu, alino na bafuta mutelepe mupangwe ningo nupya mupetwe usaka.

1 Samueli 14:18

Saulo pali pakunena Aiya ati, “Ndetele cakuzwala ca efodi.” (Pa nsita kwene ilya Mbokosi ya Upangano yakwe Leza yali ku ina Izlaeli.)

1 Samueli 14:3

Pali yakwene apali Aiya, uwazwite cakuzwala ca efodi. Wene wali umwana wakwe Aitubi umwina wakwe Ikabodi, umwana wakwe Pineasi umwana wakwe Eli, uwali a simapepo wakwe Yawe ku Syilo. Kutali umwi uwamanyile ukuti Yonatani watapita.

1 Samueli 22:20

Lelo Abyata, umwana wakwe Aimeleki umwana wakwe Aitubi, aongoloka nga autuka aya auminkana na Davidi.

1 Samueli 23:2

Davidi auzya kuli Yawe ati, “Uzye nje nkalwisye aina Filisti?” Yawe nawe aasuka ati, “Ee, pitanga kalwisye aina Filisti nu kutuula aina Keila.”

1 Samueli 23:5

Acino Davidi na antu yakwe iyaya ku Keila nu kuzanza aina Filisti. Iyakoma aingi munoyali nga iyasenda ni viteekwa vyao. Avino Davidi wapuswisye aikazi amu musumba wa Keila.

1 Samueli 23:7

Saulo yamulandile ukuti Davidi wataya ku Keila, nga nawe avwanga ati, “Leza watamwika mu makasa yane. Davidi wataiyalila umwisikulu pa kwingila mu musumba uwakulililwa amalinga ni mpongolo ni mifikilo iyakupikilizya.”

1 Samueli 23:9

Lino Davidi wamanya ukuti Saulo watapanga ukumukoma, anena Abyata simapepo ati, “Ndetele cakuzwala ca efodi.”

1 Samueli 30:7

Alino Davidi anena simapepo Abyata umwana wakwe Aimeleki ati, “Ndetele cakuzwala ca efodi.” Abyata nawe amuletela icakuzwala cici.