1 Samueli 23:4 - Amazwi Yakwe Leza 2013

⁴ Acino Davidi nupya auzya Yawe nga Yawe amwaasuka ati, “Pitanga ku Keila pamulandu wakuti namakupeela ucimvyo pa ina Filisti.”

1 Samueli 23:4 ပူးပေါင်းရင်းမြစ်များ

2 Samueli 2:1

Pacisila ca nsita imwi, Davidi auzya Yawe ati, “Uzye nje inkateeke umusumba onga pa misumba ya mpanga yakwe Yuda?” Yawe nawe aasuka ati, “Ee, yanga.” Davidi nawe auzya ati, “Uzye ungaya umusumba cii?” Yawe nawe aasuka ati, “Umusumba wa Hebuloni.”

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

2 Yamwene 3:18

Elisya atwalilila ukulanda ati, “Icintu cii icanguke kuli Yawe ukucita, nupya ali nu kuleka kuti mukacimvye aina Moabu.

1 Milandu 14:10

Acino Davidi auzya Yawe ati, “Uzye mpite kuti nkazanze ivita vya ina Filisti? Uzye mumampela ucimvyo pano yali?” Yawe aasuka ati, “Endi, wemo pita nga nani namakupeela ucimvyo panoyali.”

Yoswa 8:7

namwe mulinzile ukufisamuka muno mufisime nu kwizapoka umusumba wao. Yawe Leza winu alaupeela mu makasa inu.

Yakapingula 6:39

Lyene Gidyoni anena Leza ati, “Utansokela we Yawe, si kandande iila nalyuze lyonga sile. Napapata leka nezye iila lyonga ukuomvya amavumbu. Li lyene leka amavumbu yaye aume, lelo pa musili ponsi paye apatipate.”

Yakapingula 7:7

Yawe anena Gidyoni ati, “Aonsi yaa imyanda itatu atiyakamvula amanzi wakwe yasimbwa, ali yano ndaomvya pa kutuula mwemwe nu kupeela aina Midyani mu makasa yako. Asyala yene yonsi leka yaswilile kumwao.”

Yakapingula 7:9

Umu nsita ya usiku ulya Yawe anena Gidyoni ati, “Katukini muye mukazanze insakwe yao. Namupeela ukucimvya pali aliyo.

1 Samueli 10:22

Acino iyatwalilila ukuuzya Yawe iyati, “Uzye umuntu wi wataiza pano?” Yawe aasuka ati, “Awiyo afisime mu viya.”

1 Samueli 23:2

Davidi auzya kuli Yawe ati, “Uzye nje nkalwisye aina Filisti?” Yawe nawe aasuka ati, “Ee, pitanga kalwisye aina Filisti nu kutuula aina Keila.”

1 Samueli 23:3

Lelo antu yakwe Davidi iyamunena iyati, “Muno mu mpanga ya ina Yuda tukupita ntetentete. Nga fwandi cilaya uli lino tulaya ku Keila ku kulwa na ina Filisti!”

1 Samueli 23:5

Acino Davidi na antu yakwe iyaya ku Keila nu kuzanza aina Filisti. Iyakoma aingi munoyali nga iyasenda ni viteekwa vyao. Avino Davidi wapuswisye aikazi amu musumba wa Keila.

1 Samueli 28:6

Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.

1 Samueli 30:8

Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”