1 Samueli 23:2 - Amazwi Yakwe Leza 2013

² Davidi auzya kuli Yawe ati, “Uzye nje nkalwisye aina Filisti?” Yawe nawe aasuka ati, “Ee, pitanga kalwisye aina Filisti nu kutuula aina Keila.”

1 Samueli 23:2 ပူးပေါင်းရင်းမြစ်များ

2 Samueli 2:1

Pacisila ca nsita imwi, Davidi auzya Yawe ati, “Uzye nje inkateeke umusumba onga pa misumba ya mpanga yakwe Yuda?” Yawe nawe aasuka ati, “Ee, yanga.” Davidi nawe auzya ati, “Uzye ungaya umusumba cii?” Yawe nawe aasuka ati, “Umusumba wa Hebuloni.”

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

2 Samueli 5:23

Acino Davidi auzya Yawe, nga nawe amwaasuka ati, “Apakulwisyanya nayo utayalungama foo. Lelo uye lwaku matundu yao, akuno uzingulukile, ulunga ni miku.

1 Milandu 14:10

Acino Davidi auzya Yawe ati, “Uzye mpite kuti nkazanze ivita vya ina Filisti? Uzye mumampela ucimvyo pano yali?” Yawe aasuka ati, “Endi, wemo pita nga nani namakupeela ucimvyo panoyali.”

Masamu 32:8

Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.

Yelemiya 10:23

“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Yoswa 9:14

Aina Izlaeli iyazumila ukutoola ivyakulya vimwi ukufuma kunoyali ukwaula ukuuzya Yawe pa vyakulya vivyo.

Yakapingula 1:1

Pacisila ca kufwa kwakwe Yoswa, aina Izlaeli yuzya Yawe yati, “Uzye umutundu cii pa mitundu itu umatandikilapo ukulwisya aina Kenani?”

1 Samueli 10:22

Acino iyatwalilila ukuuzya Yawe iyati, “Uzye umuntu wi wataiza pano?” Yawe aasuka ati, “Awiyo afisime mu viya.”

1 Samueli 14:37

Acino Saulo auzya Leza ati, “Uzye inje ku ina Filisti inkayazanze? Uzye umatupeela ucimvyo?” Lelo Leza atamwaswike mu wanda ulya.

1 Samueli 23:3

Lelo antu yakwe Davidi iyamunena iyati, “Muno mu mpanga ya ina Yuda tukupita ntetentete. Nga fwandi cilaya uli lino tulaya ku Keila ku kulwa na ina Filisti!”

1 Samueli 23:4

Acino Davidi nupya auzya Yawe nga Yawe amwaasuka ati, “Pitanga ku Keila pamulandu wakuti namakupeela ucimvyo pa ina Filisti.”

1 Samueli 23:6

Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.

1 Samueli 30:8

Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”