1 Samueli 22:18 - Amazwi Yakwe Leza 2013

¹⁸ Lyene umwene wilya apeela ilamulo kuli Doegi ati, “Senuka nu kukoma yasimapepo.” Acino Doegi umwina Edomu asenuka nu kukoma yasimapepo. Nu wanda ulya kwene wene wakomile aonsi amakumi cinani na yasano, yao azwalanga cakuzwala ca efodi icapangilwa ni nsalu itelepelele.

1 Samueli 22:18 ပူးပေါင်းရင်းမြစ်များ

2 Milandu 24:21

Antu yalya yapanga kumukoma, nu mwene ayapeela ilamulo, nga nayo yamutama na mawe mu musolo wa Ng'anda ikulu yakwe Yawe mpaka afwa.

Masamu 78:64

Yasimapepo yao nayo kwene yakomolwa uku lupanga. Yamama yao, yamukamfwilwa yaposiwa nu kuyalosya.

Kufuma 28:40

“Ana yakwe Aaloni aonsi yayasumile malaya, misipi nga na tulibani kuti yaloleka acindame nupya ayembe.

Mapinda 24:15

Utateyamila umuntu umusuma apakuti umwiyile, nanti ukumononela ing'anda. Pano ukucita vivyo ukwifya.

Oseya 5:11

Antu yakwe Efulemu yakuzunyiwa, nu kufyengelekeziwa pamulandu wa kuuvwila yauze.

Oseya 7:3

Antu yasomba umwene uku vicitwa vyao viipe, ni vilolo vyakwe uku mapange yao aufi.

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.

1 Samueli 2:36

Wiyo wensi alasyala uwamu mupanda wako aliza nu kumufukamila kuti amulenge ulupiya lwakwe siluva ni cakulya nga nu kumupapata ati, ‘Napapata undasike umulimo wa usimapepo pakuti ningakwata cimwi cakuti ningalya.’ ”