1 Samueli 22:17 - Amazwi Yakwe Leza 2013

¹⁷ Lyene umwene apeela ilamulo kuli yakalinda yaya amutumikilanga, ati, “Senukini nu kukoma yasimapepo yakwe Yawe, pamulandu wakuti nayo kwene yatiyawila ku mbali yakwe Davidi. Yene yamanyile vino akuutuka, lelo yatanenyile.” Lelo aomvi ya mwene yatakasi ku katusya nanti ikasa kuti yakome yasimapepo yakwe Yawe.

1 Samueli 22:17 ပူးပေါင်းရင်းမြစ်များ

2 Samueli 15:1

Pacisila ca nsita imwi, Abusalomu alonda iceleta ni mfwalasi. Aika penepo na akumusukilila ukulingana na onsi amakumi yasano.

1 Yamwene 1:5

Lyene Adoniya, wino nyina wali a Hagiti, aiza inkolelo nga avwanga ati, “Nene ndaya umwene.” Acino ateyanya amaceleta ni mfwalasi kumwi na antu amakumi yasano akusimula inkolelo yakwe, iyamukolelela.

1 Yamwene 14:27

Acino umwene Leoboamu apanga ivisyangu vya mukuwa kuti apyanikizye pali vivyo nga avipela kuli yamusika yakwe yakalinda ali pa luti pa mpongolo yi sano.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

2 Yamwene 10:25

Lino Yeu wamala ukupeela impolelwa yakoca, apeela ilamulo kuli yakalinda na yakapitao yao ati, “Lyene ingilini muyakome yonsi pyu. Mutaleka nanti wenga apuuke.” Nayo fwandi ali pakwingila mwenemo, nga yakoma yonsi pyu ku lupanga. Yakalinda na yakapitao yao iyakulila ivyala vya antu yaya ukunzi. Alino yaya yingila mu muputule wa mukasi ka ng'anda ikulu ilya yakwe Baali.

Kufuma 1:17

Lelo yanakambuza yalya yopanga Leza. Caleka yakana kuyela ilamulo lya mwene waku Eguputo. Mucifulo cakukoma ana aonsi yayata sile.

Milimo 4:19

Lelo Petulo na Yoane yaasuka yati, “Mwemwe pingulini icilungame pa manso yakwe Leza, ukuyela mwemwe nanti Leza.

1 Samueli 14:45

Lelo antu iyanena Saulo iyati, “Uzye Yonatani ali nu kufwa, Yonatani uwatalenga na kuti Izlaeli akululwe apakalamba? Cipelele ukutali! Twalapa umwi zina lyakwe Yawe waumi ukuti ulunyele nanti longa ku mutwe wakwe lusikupona pansi, pano wene waliwacita cii ilelo umu wazwilizyo wakwe Leza.” Fwandi vili vino antu yapuswisye Yonatani, nu kumukoma yatamukomile foo.

1 Samueli 2:31

Insita ikwiza lino indi nu kukoma alumendo yonsi amu ng'anda yako na aluko lwako pakuti kutalaya umonsi umwi uwamu ng'anda yako alafika ku kukota.

1 Samueli 20:33

Lelo Saulo avwinta isumo lyakwe kuli Yonatani kuti amukome. Alino Yonatani amanya ukuti isi akulonda ukukoma Davidi.

1 Samueli 22:13

Saulo pali pakumunena ati, “Uzye pacani cino wewe pamwi nu mwana wakwe Yese mwatimumana akapi kuti munkome, pa kumupeela imikate nu lupanga nga nu kumuzizya kuli Leza? Silola vino wene watansangukila nupya watanteyamila ilelo kwene kuti ankome.”

1 Samueli 22:16

Lelo umwene nawe avwanga ati, “Cumi kwene umafwa, we Aimeleki kumwi na akazi kakwe so yonsi pyu.”

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”

1 Samueli 8:11

Ayanena ati, “Vii avili vino umwene wino alamuteeka alacita kunomuli. Wene alatola ana inu aonsi nu kuyacita asilika ya nkondo, akupisya amaceleta na akupita pa mfwalasi, nu kusimula pa nkolelo ya maceleta yakwe.