1 Samueli 21:2 - Amazwi Yakwe Leza 2013

² Davidi nawe aasuka Aimeleki ati, “Saulo umwene wilya watantuma nu kumpeela ilamulo ilyakukana taka nanti ukunena umuntu ali wensi cino mpitile kuno. Lelo ukuya kwene ivita vyane vyene twatitupangana navyo kukomenkana pa ncende yonga.

1 Samueli 21:2 ပူးပေါင်းရင်းမြစ်များ

Utandiko 27:20

Isaki auzya umwana wakwe umonsi ati, “Uzye waya wakoma zuwa uli nyama, we mwanane?” Yakobo aasuka ati, “Yawe, Mwene Leza wako wali wampela.”

Utandiko 27:24

Lelo nupya amuuzya ati, “Uzye mu cumi wewe mwana wane Esau?” Nawe azumila ati, “Anene kwene mukwai.”

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Neemiya 11:32

Anatoti, Nobu, Ananiya,

Masamu 119:29

Umfuntusye ku nzila zya ntumpu, lelo uku usuma wako unsambilizye amasunde yako.

Masamu 141:3

We Yawe, ika kalinda pa kanwa kane wakuti alinde pa mulyango wa mulomo wane.

Ezaya 10:32

Lelo uwilelo umwanisi awiyo aimi uku Nobu, watatumpula ikasa lyakwe apa kuzanza antu aku Mwamba wa Zioni, umulundu uwamu Yelusalemu.

Galatiya 2:12

Lino antu yamwi yano Yakobo watumile yatali yafike kuku, Petulo walyanga pamwi na Akulukuwa ataila. Lelo pacisila lino antu yaa yafika, Petulo aoopa yao alondanga kuti Akulukuwa yasilamulwe, nga atukulya na Akulukuwa.

Kolose 3:9

Mutatumpokana pano mwemo mwafumako ku umi wa mpiti ni micitile yakweo yonsi,

1 Samueli 19:17

Saulo pali pakunena Mikala ati, “Uzye pacani cino wantumpoka vii, waleka nu mwanisi wane wutuka?” Mikala aasuka ati, “Davidi aliwe anenyile ati, ‘Ngazwa pakuti nutuke. Ndi wakana awewe nkukoma.’ ”

1 Samueli 21:3

Ndi cakuti watukwata ivyakulya vimwivimwi ungampeela. Napapata umpeele imikate isano nanti icili consi icili penepo.”

1 Samueli 22:22

Lyene Davidi anena Abyata ati, “Uwanda ulya, lino Doegi umwina Edomu wali kuku, namanyile nu kusininkizya ukuti wene ali nu kunena Saulo. Nene natindenga ukuti akazi kako yakomwe yonsi pyu.

1 Samueli 22:9

Alino Doegi umwina Edomu, wiyo wino wimilile pipi na aomvi yakwe Saulo, avwanga ati, “Nemo naweni kuno umwana wakwe Yese akwiza ku Nobu kuli Aimeleki umwana wakwe Aitubi.