1 Samueli 21:11 - Amazwi Yakwe Leza 2013

¹¹ Lelo aomvi yakwe Akisyi iyamunena iyati, “Uzye wii asi ali Davidi, umwene wa mpanga yakwe? Uzye asi aliwe kwene wino yakaimbila nu mu vicino iyati, ‘Saulo wakoma antu amazimbi, lelo Davidi wakoma amazimbi maila ikumi.’ ”

1 Samueli 21:11 ပူးပေါင်းရင်းမြစ်များ

Masamu 34:1

Namawanzyanga Yawe insita zyonsi. Ntalatonta uku mulumbanya.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 19:18

Davidi utwike, aya kuli Samueli ku Lama nga amunena vyonsi vino Saulo wacisile kunoli. Lyene Davidi na Samueli iyaya ku Nayoti akuno yikala.

1 Samueli 27:1

Alino Davidi aelenganya ati, “Uwanda umwi ndafwila mu minwe yakwe Saulo. Icampomvu sile cino ningacita, nkande mpuukile sile ku mpanga ya ina Filisti. Lyene Saulo alasuka atonte sile muno akunsapika ukuli konsi mu mpanga ya ina Izlaeli, nga nani ndapusuka kunoli.”

1 Samueli 27:2

Acino Davidi na antu yakwe imyanda mutanda iyakatuka nga iyapita kuli Akisyi, umwana wakwe Maoki, umwene waku Gati.

1 Samueli 29:5

Uzye wikwene wii, asi ali Davidi wino yimbilanga nu mu viila ala yakuti, ‘Saulo wakoma amazimbi, lelo Davidi wakoma amazimbi na mazimbi.’ ”