1 Samueli 20:41 - Amazwi Yakwe Leza 2013

⁴¹ Pacisila lino umulumendo wapita, Davidi nawe akatuka lwaku ufumondaka waku nsizi ya mutumba ulya uwa mawe nga afukama pansi amaila yatatu inkolelo yakwe Yonatani ala afupime. Alino yoili kwene iyatonsolana nu kulila aminsozi capamwi. Lelo Davidi walizile ukuluta umuze.

1 Samueli 20:41 ပူးပေါင်းရင်းမြစ်များ

Utandiko 29:11

Lyene Yakobo atonsola Lakeli nga atandika ukuponya minsozi pamulandu nu luzango.

Utandiko 29:13

Nga lino isi uvwa amazwi yapa mwipwa wakwe Yakobo, asimula ukuya mukomanya, amuzengela amutonsola amutwala ku ng'anda. Lyene Yakobo alandila Labani vyonsi ivyacitike.

Utandiko 33:4

Lelo Esau asimula ku kukomanya Yakobo. Lino wafika amukukula, amutonsola nga lyene yoili iyatandika ukulila.

Utandiko 42:6

Yosefu, mulasi wa mpanga ya Eguputo, wakazyanga ingano ku antu yonsi afumile konsikonsi mu nsi. Caleka aina yakwe Yosefu yaya kunoli, nga yafukama pansi yafupime iinamika impumi zyao pa musili.

Utandiko 43:28

Nayo yaasuka yati, “Tata, wino akakutumikila, acili umumi nupya acili akomile.” Nga yafukama pansi yafupime kunoli.

Utandiko 45:15

Lino Yosefu acili akulila akukula nu kutonsola cila wenga mu ina yakwe. Pacisila cakwe ci aina yakwe yatekeziwa iyatandika kulanda nawe.

2 Samueli 1:2

Pa wanda uwalenga yatatu ikwiza umuntu umwi ukufuma ku nkambi yakwe Saulo, ala azwite ivyakuzwala ivilepuke. Alino ku mutwe wakwe ala kuli swe ku lukungu. Lino wafika kuli Davidi apona pansi afukama nu kumukunkwila pa kulanga umucinzi.

2 Samueli 1:26

Nakulosya, we mwinane Yonatani. Silola vino nakutemilwe wakwe cimwi. Icitemwiko cako kunondi cali icakuzunguka. Calusile icitemwiko ca anaci.

2 Samueli 14:4

Umwanaci wilya waku Tekoa pali pakuya ku mwene, aya afukama afupime mucinzi mucinzi, nga avwanga ati, “Mwene, ule ungazwe!”

2 Samueli 19:39

Lyene Davidi na antu yakwe yonsi iyalamba Yodani. Alino atonsola Balizilai nu kumupolelela, nga Balizilai aswilila ukwakwe.

2 Samueli 9:6

Lino Mefibosyeti umwana umonsi wakwe Yonatani, nupya umwizikulu wakwe Saulo wafika, akontama pansi inkolelo yakwe Davidi kuti alange umucinzi. Davidi amwama ati, “We Mefibosyeti!” Nawe aasuka ati, “Musambazi, apanondi ne muomvi wako.”

1 Yamwene 1:16

Batisyeba afukama pansi akontama apisika sana apa manso ya mwene nga umwene amuuzya ati, “Zyani zyakuleta?”

1 Yamwene 1:23

Antu nayo iyanena umwene yati, “Kasema Natani wataiza.” Acino Natani aingila mu muputule ulya nga akontama pa manso ya mwene.

1 Yamwene 1:31

Nga Batisyeba akontama nga avwanga ati, “Si angala kalukuwala ku mwene wane Davidi pe na pe!”

Milimo 20:37

Onsi yalilanga lino yakumukukutila nu kumutonsola kwa kumupakasya.

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 18:3

Yonatani nawe pali pakupangana na Davidi pamulandu wakuti wamutemilwe wakwe vino waitemwa umwisikulu.

1 Samueli 20:40

Lyene Davidi apeela ivyanzo vyakwe ku mulumendo nga avwanga ati, “Pitanga, uvisende ku musumba.”

1 Samueli 24:9

nga anena Saulo ati, “Uzye pacani cino ukauvwila antu yano yakakunena iyati, ‘Davidi akulonda ku kucitila cimwi iciipe?’

1 Samueli 25:23

Lino Abigelo walola Davidi, zuwazuwa aikila pali punda wakwe, nga apona pansi afupime