1 Samueli 2:9 - Amazwi Yakwe Leza 2013

⁹ “Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.

1 Samueli 2:9 ပူးပေါင်းရင်းမြစ်များ

Yobo 18:18

Yamufumye umuswefile, nu kumusumba umu mfinzi. Yamuzinge muno nsi.

Yobo 40:13

Yonsi kwene uyazike pamwi mu musili, nu kuyayalila umu mfinzi kuzimo.

Yobo 5:16

Caleka Leza akalenga alanda ukukwata upaalilo. Alufyengo yene akayaputula umulomo.”

Yobo 5:24

Lyene ulaikala ku matwi cele umwako. Lino ulacevya imfwele zyako, ulazizana umutende.

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Masamu 105:37

Ali pakufumya aina Izlaeli mwenemo, yasenda siluva na zaabu. Musi nati wenga uwasile nupya yali akome ndi auumi.

Masamu 121:3

Atalaleka ulwazo lwako lusyetuke, wiyo aakakulinda atalatala asipule foo.

Masamu 121:5

Yawe akakuwaka, wene ali umu mbali yako, ukwi kasa lilungi.

Masamu 121:8

Yawe alakucingilila lino ukwingila na lino ukufuma, ukutandika sile apilelo mpaka na manda pe.

Masamu 145:20

Yawe akawaka yonsi amutemwa, lelo yakaifya yonsi yene akayalovya.

Masamu 31:17

Nkukuta kunuli, we Yawe, utaleka insonyi zindeme. Lelo leka insonyi zileme yao aipe, yatelemukile cimyamya kuzimo!

Masamu 37:28

Pano Yawe watemwa ivilungame, nupya asitazyela akwakwe yayo acumi, lelo aipe yene yalalowelela. Ana ya vipondo yalononeka.

Masamu 94:18

Akula nemo nati, “Ulwazo lwane ilwasyelemuka,” ukutemwa kwako We Yawe kukantungilila.

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Mapinda 16:9

Umwenzo wa muntu ukateyanya inzila yakwe. Lelo Yawe aliwe akakomya intampulo zyakwe.

Mapinda 2:8

Akawaka inzila zya aololoke nu kucingilila yao ataila munoli.

Mapinda 3:26

Pano Yawe aliwe alakuwaka, nu kusunga ingazo zyako uku viteyo.

Kasambilizya 5:17

Mu umi witu tukaikala mu kanda nu mu malanda, mu masakamiko, mu cipyu nu mu ndwala.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Ezaya 27:3

“Anene sile nkacisunga nu kucikontelela nu mute, usiku nu musanya, pakuti kutaya nanti umwi uwakucivulunganya.

Ezaya 47:5

Wene akunena Babiloni ati, “Ikala sile cele, umu mfinzi, we mukazyana mwali. Antu yatalatala yakwame ukuti wewe namwene wa mawene, awe.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

Yelemiya 9:23

Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Naumi 1:8

Lelo wakwe mulamba uwa mukuku, Yawe akalovya anisi yakwe. Na yao akamusangukila wene akayazingila ku mfwa.

Zefaniya 1:15

Uwanda uo ulaya uwanda wa ukali, ulaya uwanda wa malanda nupya uwa cililizi, ulaya uwanda umwi uwa ononyi, nupya uwa cimvulunganya, ulaya uwanda wa mfinzi nayo ifitisye fititi, ulaya uwanda wa cifutika nupya uwa cipunga icikulu.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mpendwa 6:24

“Si Yawe angamupolelela nu kumusunga.

Mateo 8:12

Lelo antu yano yange yaye mu wene yene yalasumbwa kunzi mu mfinzi, mumo muno yalalila nu kulumanya ncecete pamulandu wa kuwaika.”

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

2 Petulo 2:17

Antu yaa yakoline wa tufukoka twaula manzi, nanti wa makumbi akaululwa ni cipupu. Leza wayasungila ncende mu mfinzi ikulu cuze.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

1 Samueli 25:26

“Ali cino fwandi musambazi nemo nalapa ukuti Yawe aliwe uwali wakulesya ukukoma antu yaa pa kukanacita icilanduzi. Ali cino nemo nkuti anisi yako na yayo yonsi akulonda ku kukoma yakawe nalyo wakwe Nabali kwene.