1 Samueli 2:8 - Amazwi Yakwe Leza 2013

⁸ Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.

1 Samueli 2:8 ပူးပေါင်းရင်းမြစ်များ

Utandiko 41:14

Lyene Falao apeela ilamulo kuti yalete Yosefu, nga yamuleta zuwa ukufuma ku ng'anda yaminyololo. Alino pacisila cakumupeela inyele azula ivizwalo vya anyepwe azwala usaka, nga aiza kuli Falao.

Utandiko 41:40

Nakucita ukuya mulasi wa mpanga yane, na antu yane yalayela amasunde yako. Ndakuluta sile pamulandu wakuti nene indi mwene wa mpanga yonsi ya Eguputo.

2 Samueli 7:8

“Ali cino, wemo fwandi pitanga ukanene umuomvi wane Davidi uti, ‘Nene ne Yawe Wamaka yonsi, anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

1 Yamwene 16:2

“Wemo utaali cimwi foo, nga nakucindamike kuti uye intunguluzi ya antu yane aku Izlaeli. Lelo walondelela imisango yakwe Yeloboamu nu kulenga antu yane aina Izlaeli ukwifya, nu kuti yandenge ukusoka pamulandu wa maifyo yao.

2 Yamwene 9:6

Lyene Yeu akatuka nu kuyaingila mu ng'anda. Alino kasema wilya apongolwela amafuta pa mutwe wakwe Yeu nga avwanga ati, “Yawe, Leza wa ina Izlaeli, wavwanga wati, ‘Nakulasika pa cilimba ca wene wa antu yane aina Izlaeli.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Masamu 102:25

Awewe waumvile insi apa katalili, na makasa yako alio yapanga iyulu.

Masamu 104:5

Wasimpisya insi ndi, isi yakutelengana foo.

Masamu 107:41

Alanda yene ayafumya umu ulanda wao, asandulula ni nko zyao kwati amaufyo ya viteekwa.

Masamu 24:2

Pano wene waipanzile pa matenga yakwe yemba apisika ya nsi, nu mufula wakweyo apisika ya matenga yakwe yayemba.

Masamu 75:3

Nanti sile insi ikasunkane kumwi na onsi aikala mwenemo, anene kwene ndalemelela umufula wakweyo.

Masamu 75:4

Antu avilumba nemo nkayanema inti, ‘Tiini ukuyuvwa,’ nga na antu aipe nayo nkayanena inti, ‘Sazyini ivilumba vinu.’

Masamu 75:7

Lelo akuli Leza sile wenga ali kuno ukafuma, aliwe akacefya yamwi nu ku kuuzya yamwi, nu kufipilila wensi pyu!

Kasambilizya 4:14

Umwance umwi angafuma mu ng'anda ya minyololo nu kuya umwene wa mpanga kwene iyo ino wavyalilwemo, nanti limwi ale wavyalilwe mu upina mu mpanga yakumwao.

Ezaya 22:23

Ndamupampamila wa lupopo apa ncende ikome ndii. Alaya wa cilimba cicindame uku ng'anda yakwe isi.

Danieli 2:48

Lyene umwene alasika Danieli icifulo cicindame wakwe cimwi, amupeela na mawila avule nupya. Wene aleka kuti ateeka mu muputule onsi wa mpanga ya Babiloni nu kumucita kangalila mukalamba wakwe yampandamano yonsi akwi sano.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 6:3

Lyene Danieli zuwazuwa aloleka ukuti angaluta angalizi yauze mu kuomba. Pamulandu wakwe cico, umwene welenginye uku mulasika pa cifulo ca kwangalila uwene wakwe onsi.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”

1 Samueli 15:17

Samueli nawe amunena ati, “Nanti angala mpiti wailolanga wemwisikulu wa muntu umucepesye pa antu, ala wewe uli ntunguluzi ya mitundu yonsi iya ina Izlaeli. Yawe, uwakulasike utesi pa ina Izlaeli.