1 Samueli 2:30 - Amazwi Yakwe Leza 2013

³⁰ Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

1 Samueli 2:30 ပူးပေါင်းရင်းမြစ်များ

1 Yamwene 11:11

Nga alino Yawe anena Solomoni ati, “Fwandi vino wacita vii, wonona ukwitolo sile ulayo uno twalaine nawe, wasuula na masunde yane, nemo nalapa ukuti namapokolola uwene kunuli nu kuupela ku nkombe yako yonga.

1 Yamwene 2:27

Acino Davidi afumya simapepo Abyata pa mulimo wa kutumikila wakwe simapepo wakwe Yawe, nga aleka icifikiliziwa cino Yawe wavwanzile uku Syilo icapali Eli na amu mupanda wakwe.

1 Milandu 17:18

Uzye icani cuze cino ningalanda kuli wewe? Wemo wamanya ningo, nga lelo ukancindamika ne muomvi wako.

2 Milandu 15:2

Nawe ali pakuya uku mwene Asa nu kumunena ati, “Musambazi Asa, na mwe ikazi amu Yuda mwensi pamwi na ina Benjamini, nguvwini! Yawe ali namwe cikulu sile mwamutontela. Ndi mwamulonda, mulamuzana. Lelo ndi mwamufutatila, ale nawe kwene alamufutatila.

2 Milandu 26:18

Lyene yasimapepo yayo apa kulesya umwene Uziya yamunena yati, “Cisi cisuma kuti we mwene Uziya waocela Yawe ubani. Lelo angacita cico a yasimapepo sile, amu mupanda wakwe Aloni, yano yapaatulwa kuti yaoca ubani. Fuma muno umwi taalu lyamuzilo, pasi pano watiwifya kuli Yawe, nga wene watafumya upolelelo wakwe pano uli.”

Masamu 18:20

Yawe wancitila ukulingana ni milimo yane isuma. Wene watandambula pano nene wakaele.

Masamu 18:26

Uku antu aswepe imyenzo ukailanga ukuya umuswepe umwenzo. Lelo uku antu aipe myenzo, wemo ukailanga ukuti usi cuza wao.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Masamu 73:20

Mwene! Ala yaya wa ciloto icikaililwa lino waca. Akula ukuzyuka uwilila na vino cali cili.

Masamu 91:14

Leza akuti, “Nemo namatulanyanga yao antemwa, nu kutaasya yayo amanya.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Kufuma 28:43

Aaloni na ana yakwe yazwala vikwene vii lyonsi lino yakwingila mwi Taalu lya Ukongano, nanti lino yapalamila ku kavuwa ku kuntumikila mu Ncende Yamuzilo, koopa kuti limwi angacita maifyo nu kufwa. Ilamulo kwene lii lyapeelwa kuli Aaloni nga nu ku amu mupanda wakwe amanda pe.”

Kufuma 29:9

Nupya uyazwike ni cisote ca ucindami nga na tulibani Mu musango uu yaya yalaya ayasimapepo yane pakulondela ilamulo lyane lya manda pe. Mu musango uu ali muno umapaatwila Aaloni na ana yakwe aonsi.

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

Mapinda 4:8

Temwa amano, nayo yalakucindamika. Uyazengele nga nayo yamakuletela ululumbi.

Mapinda 8:17

Natemwa yayo antemwa, na wiyo uwacincila ukundonda akanzana.

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Yelemiya 49:15

Lyene, namakucefya pa mitundu yuze, ulasulwa apa antu.

Ezekelo 34:10

Nemo ne Yawe nalanda ukuti lyene namufutatila, mwaya anisi yane. Ndamupoka imfwele zyane, mutalatala mukaziceme nupya foo. Nupya ntalaleka kuti mwaisakamala sile mwe eneco. Mwemo ndamufyombotola imfwele zyane, ntalaleka mukazilyepo nupya foo.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Malaki 2:3

“ ‘Ndavunuka amu mupanda winu nu kumukantaizya impumi zinu ni vyamumala ya nyama kwene zino mukapeela impolelwa. Ndamuvwintila pa citumba, lilyo ale mwatimukandana navyo.

Mpendwa 11:20

lelo mulalya inyama umwezi utuntulu mpaka sile ikamufiisye ku mwenzo, nu kufumila mu mpuno alino nu kumuletela muselu. Pamulandu sile uwakuti mwasuula Yawe, wino akaikala namwe, mwailizyanya cuze kunoli ukuti cange cizipe ndi atamufumizye mu Eguputo.’ ”

Mpendwa 35:34

Mutakowezya impanga ino mukaikala mwenemo nupya muno nani kwene nkaikala mwenemo, pasi pano ne Yawe nkaikala pakasi ka ina Izlaeli.”

Yoane 12:26

Wino wensi akulonda kuntumikila alinzile kundondela, kuti kuno naya, nu muomvi wane kwene aye nani. Tata alacindamika wensi akantumikila

Yoane 5:23

pakuti yonsi yacindike Mwana vino yacindika Isi. Wino asyakucindika Mwana, ala asyakucindika ni Isi wino wamutumile.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Yoane 8:49

Yesu aasuka ati, “Nemo nsi nu mupasi wankota.” “Nkacindika Tata, lelo mwemo musyancindika.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Yakapingula 9:10

“Lyene imiti inena umusamvu iti, ‘Si iza mwandi wewe uye umwene witu.’