1 Samueli 2:20 - Amazwi Yakwe Leza 2013

²⁰ Eli pali pakupolelela Elikana nu muci wakwe, ala akuti, “Sa angala Yawe akamupeele ana nayauze muli mama wi kuti akapyanikizye pali wii wino mwapaatwile nu kupeela kuli Yawe.” Lyene pacisila iyaswilila kumwao.

1 Samueli 2:20 ပူးပေါင်းရင်းမြစ်များ

Utandiko 14:19

Alino apolelela Abulamu, avwanga ati, “Leza wapapelapela uwaumvile insi ni yulu, apolelele Abulamu!

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.

Luka 2:34

Lyene Simeoni ayapolelela anena Maliya nyina wa mwana ati, “Lola umwana wii waikwa na Leza kuti aye cakuponya nu kukatusya aingi mu Izlaeli, nupya kuti aye wa cilangililo kufuma kuli Leza cino aingi yalakana.

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”

Luti 4:11

Inkombe zizi pamwi na antu yonsi ali pa mpongolo ilya yavwanga yati, “Ee, icacumi sweswe yakambone. Si Yawe umwisikulu angaleka umwanaci wino akwiza ukwako aye ivyali Lakeli na Leya, antu yaili asandulwile ang'anda yakwe Izlaeli. Sungala ucite icampomvu mu Efulata pa kusunga izina lyakwe mu Betelemu kuti litalowa.

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”