1 Samueli 19:23 - Amazwi Yakwe Leza 2013

²³ Acino Saulo pali pakulungama ku Nayoti ku Lama. Lelo Mupasi wakwe Leza wikila na pali Saulo kwene, nga acina nu kupunda nzila yonsi mpaka afika ku Nayoti.

1 Samueli 19:23 ပူးပေါင်းရင်းမြစ်များ

Mapinda 16:9

Umwenzo wa muntu ukateyanya inzila yakwe. Lelo Yawe aliwe akakomya intampulo zyakwe.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Mpendwa 23:5

Alino Yawe anena Balamu ivyakuti akanene Balaki nga amuswilizya na mazwi kwene yayo.

Mpendwa 24:2

Lino Balamu akwiza akwinula amanso, alola aina Izlaeli papa pano yakuuzile insakwe zyao, ala yali muli cila mutundu mutundu. Alino lyene Mupasi wakwe Leza iwikila panoli,

Mateo 7:22

Pa wanda ulya uwa upinguzi, aingi yalavwanga kunondi yati, ‘Mwene, Mwene uzye asi mwi zina lyako amuno twakosololelanga? Uzye asi mwi zina lyako amuno twafumizizye mipasi yankota, nu kucita ivinjelengwe?’

Yoane 11:51

Ataivwangilanga cii kukulonda kwakwe. Lelo pano wali a Simapepo Mukulu mu mwaka ulya, wasemanga vino Yesu ali nu kufwila Ayuda.

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

1 Samueli 10:10

Lino yafika ku Gibeya, akamulongo kakwe yakasema ikamukomenkanya. Alino Mupasi wakwe Yawe wikila panoli na maka, nga nawe atandika ukusema pamwi nayo.

1 Samueli 10:12

Umonsi umwi uwikalanga kuku aasuka ati, “Uzye fwandi yakasema kwene yaa ana yakwe weni?” Fwandi vili vino umuvwango iusuka uya kweneko uwakuti, “Uzye kuli kuti na Saulo kwene aumwi uwamuli yakasema?”

1 Samueli 10:6

Umupasi wakwe Yawe umaya ukikile panuli na maka, nga nawe wayatandika ukusema pamwi nayo. Wayasanguka sile umuntu umwi muzemuze.

1 Samueli 18:10

Uwanda uwalondelilepo umupasi wankota uwatumilwe na Leza iwikila na maka pali Saulo. Saulo atandika ivyakupulula umu ng'anda yakwe kwene, nga mumu kwene Davidi ale amunoli akulizya gita wakwe vino wacitanga amanda yonsi. Saulo nawe ale afumbite isumo umu minwe.

1 Samueli 19:18

Davidi utwike, aya kuli Samueli ku Lama nga amunena vyonsi vino Saulo wacisile kunoli. Lyene Davidi na Samueli iyaya ku Nayoti akuno yikala.

1 Samueli 19:20

Saulo nawe pali pakutuma antu yamwi akuyalema Davidi. Lino sile yafika yalola nakuno iumba lyakwe yakasema yakusema, ale Samueli aimi papa akuyatungulula, Mupasi wakwe Leza wikila pa antu yakwe Saulo nga nayo kwene iyasema.

1 Samueli 19:22

Asuka Saulo umwisikulu aikatukila aya ku Lama nga afika na pa cifula caku Seku. Lyene auzya antu ati, “Uzye Samueli na Davidi yali kwi?” Nayo iyamwasuka iyati, “Yali ku Nayoti ku Lama.”