1 Samueli 19:20 - Amazwi Yakwe Leza 2013

²⁰ Saulo nawe pali pakutuma antu yamwi akuyalema Davidi. Lino sile yafika yalola nakuno iumba lyakwe yakasema yakusema, ale Samueli aimi papa akuyatungulula, Mupasi wakwe Leza wikila pa antu yakwe Saulo nga nayo kwene iyasema.

1 Samueli 19:20 ပူးပေါင်းရင်းမြစ်များ

Yowelo 2:28

“Apacisila ca nsita imwi, uwanda wakwe Yawe ulafika, lino ndapongolwela Mupasi wane pa antu onsi, Ana inu aonsi na anaci yalasema, na ikolo yalalota viloto, na ana inu alumendo yalalola vilolwa.

Mpendwa 24:2

Lino Balamu akwiza akwinula amanso, alola aina Izlaeli papa pano yakuuzile insakwe zyao, ala yali muli cila mutundu mutundu. Alino lyene Mupasi wakwe Leza iwikila panoli,

Yoane 7:32

Lino Afaliseo yuvwa vino iumba likutotozana vya pali Yesu, yene pamwi na yasimapepo akalamba yatuma yakalinda amu Ng'anda ikulu yakwe Leza kuti yakamuleme.

1 Kolinto 14:3

Lelo umuntu wino akasema ilandwe kufuma kuli Leza wene akalanda ku antu ala akuyazwa, akuyakomelezya, nga nu kuyatekezya.

1 Samueli 10:10

Lino yafika ku Gibeya, akamulongo kakwe yakasema ikamukomenkanya. Alino Mupasi wakwe Yawe wikila panoli na maka, nga nawe atandika ukusema pamwi nayo.

1 Samueli 19:11

Usiku kwene ulya Saulo atuma aomvi akuyalengula ku ng'anda yakwe Davidi pakuti yace yamukome akatondo. Lelo Mikala, umuci wakwe Davidi, amusoka, ati, “Usiku wi lelo ndi cakuti ututwike, mutondo ale yatiyakukoma.”

1 Samueli 19:14

Lino Saulo watuma antu akuyalema Davidi, Mikala ayanena ati, “Davidi umulwale.”

1 Samueli 19:19

Lino yalandila Saulo ukuti Davidi ali ku Nayoti ku Lama,

1 Samueli 19:21

Lino yanena Saulo icintu cii, nawe atuma antu nayauze, nga nayo kwene iyasema. Nga lino Saulo watuma antu nayauze iila lyakwe citatu, nayo kwene iyasema.