1 Samueli 18:27 - Amazwi Yakwe Leza 2013

²⁷ Davidi na antu yakwe iyapita iyaya yakoma aina Filisti imyanda iili. Alino Davidi aletela umwene inkanda zizi umwanda onga pakuti aye umukwi wa mwene. Lyene Saulo amupeela Mikala umwana wakwe umwanaci kuti aye umuci.

1 Samueli 18:27 ပူးပေါင်းရင်းမြစ်များ

2 Samueli 3:13

Davidi nawe aasuka ati, “Icisuma! Namapangana nawe pa cintu cii conga sile: ukuti lino uliza ukwizandola, wemo ulinzile ukundetela Mikala, umwana umwanaci wakwe Saulo.”

2 Samueli 3:14

Nga Davidi nawe kwene atuma inkombe kuli Isyibosyeti ku kumunena ziti, “Mbwezyezini Mikala umuci wane. Nemo nalifile inkanda izimbi lyonga izya ina Filisti izya usilamu pakuti imusake.”

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

1 Samueli 14:49

Ana aonsi yakwe Saulo yali a Yonatani, na Isyivi, na Malikisyua. Na yaa ali mazina ya ana yakwe anaci: nyinalenzi wali a Melabi, nga umuto wali a Mikala.

1 Samueli 18:13

Alino Saulo amusisya ukufuma panoli nga amulasika ukuya musika wa vita izimbi. Alino Davidi atungulula ivita mu kulwisya ulwi.

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 18:28

Lino Saulo wamanya ukuti Yawe ali na Davidi nu kuti Mikala umwana wakwe umwanaci watemwa Davidi,

1 Samueli 25:44

Lelo Saulo ale wapoka Mikala umwana wakwe umwanaci, nupya umuci wakwe Davidi, nu kumutwalizya kuli Palitieli umwana wakwe Laisyi, wino uwafumile ku Galimu.