1 Samueli 18:17 - Amazwi Yakwe Leza 2013

¹⁷ Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 18:17 ပူးပေါင်းရင်းမြစ်များ

2 Samueli 11:15

Muli kalata walemvile ukuti, “Uwike Uliya ku nkolelo pa mulongo wa nkondo kuno ulwi ukavile, uleke yamukome afwe.”

2 Samueli 12:9

Uzye pacani cino wasuuzile amasunde yakwe Yawe pa kucita ulukota wakwe luu pa manso yakwe? Walesile kuti Uliya umwina Hiti afwe umu nkondo pa kuleka aina Amoni yamukome nga utola nu muci kuti aye uwako!

2 Samueli 6:16

Lino Mbokosi ya Upangano yakwe Yawe ikwingiziwa mu Musumba wakwe Davidi, Mikala umwana umwanaci wakwe Saulo ale akusungamila pa nzota. Lyene alola kuno umwene Davidi akucina nu kutoloka pa manso yakwe Yawe. Lyene amusuula umu mwenzo wakwe.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Mapinda 26:24

Umuntu wa lupato nanti angalufisa uli umu mivwangile yakwe, lelo lwakasi ka munda yakwe, acisanguka.

Mapinda 26:25

Ndi cakuti wene wavwanga mazwi atelepe, utamuzumila, pano umunda yakwe mwaya ulupato maila cinimbali.

Mapinda 26:26

Nanti angezya ukufisa ulupato umukucenjeloka, lelo uyi wakwe uli nu kulolekela pa antu kwaula insita.

Mpendwa 21:14

Ali cino Lupapulo lwa Nkondo zyakwe Yawe lukati, “Waebu mumbali yakwe Sufa, nga ni vifoloma, Luzi lwa Alinoni,

Mpendwa 32:20

Mose apakuvwa vivyo aasuka ati, “Kwene mu cumi ndi cakuti mukulandilila, pa manso yakwe Yawe nani ali cino nkuti icisuma iteyanyini ku ulwi.

Mpendwa 32:27

Lelo swensi swemuno tuli ni vyanzo tulalamba mu mbalama ku kulwa inkondo ndi muno Yawe wavwangile.”

Mpendwa 32:29

“Ndi cakuti aina Gadi na amu mutundu wakwe Lubeni yalamba Luzi lwa Yodani ku kulwa inkondo pamwi namwe, alino mwaya mwacimvya ulwi ku maka yakwe Yawe, lyene muce muyapeele impanga ilya ya Gileadi iye iyakwao.

Malango 17:7

Nupya yakambone kwene alinzile ukutandikilapo ukumutama na mawe, alino antu nayo yakonkezye. Umu kucita cii ali muno mungaifumizya ulukota luu.

1 Samueli 14:49

Ana aonsi yakwe Saulo yali a Yonatani, na Isyivi, na Malikisyua. Na yaa ali mazina ya ana yakwe anaci: nyinalenzi wali a Melabi, nga umuto wali a Mikala.

1 Samueli 17:25

Aina Izlaeli yavwanga iyati, “Uzye mukulola vino cimuntu cii cikaiza cila wanda? Cene cikaiza ku kupontela aina Izlaeli. Wiyo wensi alacikoma umwene alamupeela ivyuma ivingi. Nupya alamutwalizya umwana wakwe umwanaci nga nu lupwa lwakwe atalalonda imisonko kunoluli umu mpanga yonsi iya ina Izlaeli.”

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.

1 Samueli 17:47

Nu muntu wensi pano alamanya ukuti Yawe asilonda amalupanga nanti amasumo pa kutuula antu yakwe. Wene akacimvya umu ulwi, nga alapeela mwensi kwene umu makasa itu.”

1 Samueli 18:21

Saulo pali pakwelenganya ati, “Eya! Nkance mupomele Mikala, ukusuka amulyombeleke pakuti aina Filisti ali yano yace yamukome.” Acino Saulo anena Davidi iila lyakwe ciili ati, “Wapelwa akasita nakauze akakuya umukwi wane.”

1 Samueli 18:25

Saulo aasuka ati, “Nenini Davidi muti, ‘Kateeka atakulonda impango zyuze izilusile pa nkanda umwanda onga izyaku onsi wa ina Filisti, pakuti acite icilanduzi pa anisi yakwe.’ ”

1 Samueli 18:27

Davidi na antu yakwe iyapita iyaya yakoma aina Filisti imyanda iili. Alino Davidi aletela umwene inkanda zizi umwanda onga pakuti aye umukwi wa mwene. Lyene Saulo amupeela Mikala umwana wakwe umwanaci kuti aye umuci.

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

1 Samueli 30:26

Lino Davidi waswilile ku Zikilagi, watozile ivisampwe vimwi atumila auze ali ntunguluzi zyamu Yuda, alanda na mazwi yaa, ati, “Uo uli wila uno namutumila, uno napaatula pa visampwe vino naile impokolola ku anisi yakwe Yawe.”