1 Samueli 17:50 - Amazwi Yakwe Leza 2013

⁵⁰ Avili vino Davidi wacimvizye nu kukoma umwina Filisti wilya ukwi legeni ni iwe.

1 Samueli 17:50 ပူးပေါင်းရင်းမြစ်များ

Yakapingula 15:15

Lyene Samusoni kuno ati, alola uluzekete lwakwe punda uwacifwile, nga alusola nu kukomelako antu izimbi lyonga.

Yakapingula 3:31

Intunguluzi iyalondelile pali Eudi a Syamugali, umwana wakwe Anati. Wene wacimvizye aina Filisti imyanda mutanda kuli swepu wakwe uwapangilwa nu musinda wakwe masaye. Nawe kwene watuuzile aina Izlaeli.

1 Samueli 13:22

Acino pa wanda uno inkondo yakatwike patali umuntu nanti wenga pa antu yakwe Saulo na antu yakwe Yonatani, wiyo uwakweti ulupanga nanti isumo umu minwe yakwe. Suka sile Saulo na Yonatani umwana wakwe ali yano yaipangisye.

1 Samueli 17:39

Davidi akoweka nu lupanga lwakwe Saulo pa cizwalo cici nga aezya ukupita. Lelo wene aposiwa pamulandu wakuti ataviyelezya ukuvizwala. Anena Saulo ati, “Nemo ntangendwisye ni vintu vii vyonsi, pamulandu wakuti ntaviyelezya.” Acino Davidi avizuula.

1 Samueli 17:49

Alino apisya ikasa lyakwe mu nyambi yakwe, afumya iwe nga afiika Golyati. Iwe ilyuma pa usyu wakwe Golyati ilimufwafwanta icipanga. Golyati afukama pansi afupime.

1 Samueli 17:51

Davidi asimwilila kunoli, amutangalila. Alino asomola ulupanga lwakwe Golyati umu cituwo caluko, nga aputula umutwe wakwe pacisila ca kumukoma. Lino aina Filisti yalola ukuti icipombolo cao yakwecoma, yene iyasenuka iyutuka.

1 Samueli 19:5

Nupya wene atali ni ntete zya kufwa lino wakomile umwina Filisti. Yawe wacimvizizye aina Izlaeli, nawe waciweni nga uzanga. Uzye lyene pacani cino ungafyengela umuntu asi nu mulandu, apakulonda ukukoma Davidi apaula umulandu?”

1 Samueli 21:9

Simapepo wilya nawe aasuka ati, “Pali ulupanga lwakwe Golyati umwina Filisti, wino wemo wakomile mu Cifoloma ca Elaa. Lwene lupomvilwe umu nsalu ukwi tundu ya cakuzwala ca efodi. Ndi cakuti ukululonda, lusende. Pasi ulupanga naluze pano, suka sile lulo kwene.” Davidi nawe avwanga ati, “Pasi ulupanga naluze ulungacila pali lulo. Mpeko lulo kwene.”

1 Samueli 23:21

Saulo nawe aasuka ati, “Si angala Yawe amupolelele pa kuya nu luse wakwe cimwi kunondi!