1 Samueli 17:46 - Amazwi Yakwe Leza 2013

⁴⁶ Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.

1 Samueli 17:46 ပူးပေါင်းရင်းမြစ်များ

Utandiko 40:19

Mu manda yatatu Falao ale wakufumya mu ng'anda yaminyololo. Alino alapeela ilamulo kuti yakuputule umutwe, lyene umwili wako yalauning'inya ku muti ni vyunyi vilaulya.”

2 Samueli 18:28

Lyene Aimaazi apunda ku mwene ati, “Vyonsi vili ningo!” Afukama inkolelo ya mwene nga avwanga ati, “Ululumbi luye kuli Yawe Leza wako! Wene watakupeela ucimvyo pa antu yano yakatukile umusambazi umwene wane!”

2 Samueli 21:10

Lyene Lizipa umuci namuze wakwe Saulo, nupya umwana umwanaci wakwe Aiya, aomvya amasaka pakuipangila umwakuuwa pa mawe apali ivyala vivya, nga aikala kweneko ukufuma sile pakutandika kwa uzombozi mpaka na lino icisiku catandika. Umu nsita zya musanya ala akuzila ivyunyi pa vyala vivi, nga usiku nalyo avicingilila ku nyama zya mpanga.

1 Yamwene 8:43

uli nu kuvwa kuko ukwako kwiyulu. Upeele nu mwinamasi wensi cino akulenga, pakuti imitundu yonsi ya pano nsi ice ikamanye izina lyako nu kukoopa, ndi vino antu yako aina Izlaeli yakacita. Lyene nu kumanya ali kwene pano yalasininkizya ukuti Ng'anda ii ikulu, ino nakuula ali ncende ino tulinzile twakupepela mwenemo.

1 Yamwene 8:60

Ali pakuti antu amu mitundu yuze, iyaya pano nsi, yakamanye ukuti we Yawe wewe uli Leza nu kuti kutaya namuze foo.

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

Masamu 31:8

Utantazyela foo, nanti uku nsumbila umu makasa ya anisi yane. Lelo waleka ukuti naipitila sile nenga ukwitolo.

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Ezaya 56:9

Yawe waamanga ainamasi kuti yize yasinsole antu yakwe wa vilyanyi.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Yelemiya 34:20

ndayapeela umu makasa ya anisi yao nu mu makasa yakwe yano yakayapangila ukuyakoma.

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 3:29

“Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Mateo 24:28

“Konsi kuno icala cili, akuno na makozi yakakongana.”

Malango 28:26

Lino mulafwa, ivyunyi ni nyama zya mpanga iviliza vilye imili inu, nupya kutalaya nanti aumwi uwa kuvizila.

Malango 7:2

Lino Yawe Leza winu wapeela antu yaa mu makasa inu nga namwe mwayacimvya, lyene mulinzile kukoma yonsi kwene. Mutaezya ukucita cipangano nayo nanti ukuya na mizu kunoyali.

Malango 7:23

Lelo Yawe alika anisi inu mu makasa inu nu kuyoofya mpaka yasuke yononwe.

Yoswa 10:8

Yawe anena Yoswa ati, “Utayoopa awe, pasi pano natinjapeela mu makasa yako. Kusi umwi munoyali amakuposya.”

Yoswa 4:24

Wene wacisile ci pakuti antu yonsi amu nsi yamanye ukulu wa maka yakwe Yawe, na kuti mungaoopa Yawe Leza winu amanda pe.”

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

1 Samueli 17:44

Umwina Filisti anena Davidi ati, “Iza kuno, nga nani namapeela umunyefu wako ku vyunyi ivikapapuka ni nyama zya mpanga kuti zilye!”