1 Samueli 17:43 - Amazwi Yakwe Leza 2013

⁴³ Alino auzya Davidi ati, “Uzye intuwa iyo iyacani? Uzye ukwelenganya ukuti nene simbwa uwakwizila ni ntuwa?” Nga umwina Filisti wilya pali pakwama tuleza twakwe nu kutipwila Davidi.

1 Samueli 17:43 ပူးပေါင်းရင်းမြစ်များ

Utandiko 27:29

Si mitundu ni nko zyonsi zyakutumikila, na antu yakufukamila. Si uye umwene pa anyonko, na ana yakwe nyoko aonsi yakakufukamila. Yano onsi alakutipa yakatipwe, na yano alakupolelela yakapolelelwe.”

2 Samueli 16:5

Lino umwene Davidi akupalamila ku Baulimu, umuntu umwi ukufuma mu luko ululi lumwi nu lwa akazi kakwe Saulo aiza ukufuma kuku. Izina lyakwe wali a Syimei umwana umonsi wakwe Gela, ala akumutipwila lino akufuma.

2 Samueli 16:9

Alino Abisyai umwana wakwe Zeluya anena umwene ati, “We mwene wakwisaci, uzye pacani cino waleka simbwa wi akutuka? Si leka nje panoli imuputule umutwe.”

2 Samueli 3:8

Abineli asoka wakwe cimwi pa mazwi yano Isyibosyeti wavwanzile, nga avwanga ati, “Uzye ukwelenganya ukuti ningakoopa Saulo? Uzye ukwelenganya ukuti mucumi nemo inkutumikila Yuda? Ukufuma sile pa nkolelo nene wacuvwilo ku mulimo wakwe so Saulo, na ina yakwe, na yacuza yakwe. Nga nkakwazwilizya kuti Davidi atakucimvya. Lelo wemo ilelo wampeela umulandu pa mwanaci wii.

2 Samueli 9:8

Mefibosyeti akontama pansi nga avwanga ati, “Musambazi, nemo ntacindime ukuluta simbwa mufwe! Uzye pacani cino wansakamala?”

1 Yamwene 20:10

Lyene Beni Hadadi atuma amazwi nayauze kuli Aabu ati, “Yakatai yandepule ndi cakuti cico cisikwiza cicitike! Indi nu kuleta impendwa ya antu ilingane akuti yize yonone umusumba winu uwa Samaliya nu kusenda ivyativyononwa mu makasa yao.”

2 Yamwene 8:13

Hazaeli ali pakuuzya ati, “Nga amaka akucita vivyo vyonsi ndayafumya kwi? Alino nene weni, uwakucita vivyo ne muntu musulwe?” Elisya ali pakumwasuka ati, “Yawe watanena ukuti wewe ulaya umwene wa ina Asilya.”

Mapinda 26:2

Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

Mpendwa 22:6

Yene yakweti amaka kutuluta. Si ndanga fwandi wize uyatipwile. Limwi lyene tungaya na maka akuyacimvya, tuyazinge muno mpanga, pasi pano namanya ukuti wino wala umila ulutembo lwa kumuzipila ala cimaomba na wino watipwila, mpaka akawe nalyo.”

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.

1 Samueli 14:12

Alino lyene iyapunda Yonatani nu musenda mpamba wakwe iyati, “Mwe, izini kuno twatitukwata ivyakumunena.” Yonatani nawe anena musenda mpamba wakwe ati, “Ndondela pacisila, Yawe watayaika mu makasa ya ina Izlaeli.”

1 Samueli 24:14

Si lolini cino umwene wa ina Izlaeli akwezyanya ukukoma! Si lolini cino wene akuzinganya! Simbwa umufwe! Akalupantila!

1 Samueli 24:15

Si Yawe aye kapingula witu nga atupingwile umulandu. Si ale apituluke mu mulandu wane, ampokolole nu kuntuula kuli wewe.”