1 Samueli 17:36 - Amazwi Yakwe Leza 2013

³⁶ Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.

1 Samueli 17:36 ပူးပေါင်းရင်းမြစ်များ

2 Milandu 32:17

Senakelibu walemvile yakalata nayauze umwali amazwi akusausya Yawe, Leza wa ina Izlaeli, ala akuti, “Tuleza twa nsi zyonsi tutatala twatuula antu yatuko nanti yamwi mu makasa yane, vivyo kwene nanti a Leza wakwe Hezekiya kwene atalatuula antu yakwe mu makasa yane.”

Ezaya 10:15

Lelo nemo ne Yawe nkuvwanga inti, ‘Uzye impasa ingalanda ukuti yaluta wino akaiomvya? Nanti uzye mukalalu wacindama ukuluta wino akamuomvya? Insonzo isisenda umuntu, foo. Lelo umuntu aliwe akasenda insonzo.’”

Ezaya 36:15

Mutaleka amuvulunganye amano, akuti mutaile muli Yawe nu kwelenganya ukuti Yawe alamupususya nu kulesya ivita vya ina Asilya ukuvwangatila umusumba winu!

Ezaya 36:18

Mutaleka Hezekiya amutumpike apa kumunena ndi vino Yawe alamupususya. Uzye mwatazile imulola kuno tuleza twa mitundu yuze twapususya impanga zyakwao ku mwene waku Asilya?

Ezekelo 28:10

Wemo ulafwa wakwe simbwa, ainamasi yayo atamanya ne Leza, yalakukoma. Ee, anene ne Yawe nakunenelapo nu kukukonkomezezya penepo.”

Ezekelo 32:19

Uyanene uti, ‘Uzye mwemo yamusumbako amano kuluta antu yauze? Tentemukilini kwi lindi pamwi na antu yauze yano yatasilamulwa.’

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 2:8

Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

1 Samueli 17:10

Lyene umwina Filisti avwanga ati, “Ilelo nemo ivita vya ina Izlaeli natimvisuula wakwe cimwi! Letini umuntu wenga uwakuti tulwe nawe.”

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

1 Samueli 17:35

nemo nkacilondelela, incizanza nu kupokolola imfwele ku mulomo wakweco. Nga cisama nanti icinyama icakolana ni ciuli casenuka nu kunkatukila, nemo nkacivungatila sile pa nsingo incuma mpaka sile icifwa.

1 Samueli 17:37

Yawe uwampokololanga ku vizanza vyakwe cisama na vyakwe cuuli, ali wino alantuulanya nu kumwina Filisti kwene wiya.” Saulo anena Davidi ati, “Cisuma, pitanga, nga Yawe aye nawe.”

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 31:4

Alino Saulo anena umusenda mpamba wakwe ati, “Somola ulupanga lwako untote sile imfwe ukuluta kuti iviyantu vii ivitamanya Leza vize mu kunseka nga vinkome.” Umusenda mpamba nawe pali pakukana sana, pano wali ni ntete izya kucita cico. Acino Saulo pali pakutoola ulupanga lwakwe apona penepo aitota nga afwa.