1 Samueli 17:34 - Amazwi Yakwe Leza 2013

³⁴ Lelo Davidi anena Saulo ati, “Mwene wakwisaci, nemo nkasunga imfwele zyakwe tata. Nga cisama nanti icinyama icakolana ni ciuli ndi ciza calema imfwele yonga pa ufyo,

1 Samueli 17:34 ပူးပေါင်းရင်းမြစ်များ

Utandiko 31:39

Lino imfwele yakomwa ni vilyanyi, uzye ntaletanga cino napokolwile niza inkulanga vino utali mulandu wane? Lelo nene nalipilanga pano watangi ukulonda yuze mpyanikile po. Nalipilanga na pali yonsi iyaponga usiku nanti musanya.

2 Samueli 17:8

Wemo umanyile ukuti so Davidi na antu yakwe akome mu ulwi nupya yakalwa wa cinyama icakolana ni ciuli, cino yatiyatolela utwana. So aumwi inkonkotela ya ulwi. Wene atangalinda usiku pamwi na asilika.

2 Samueli 23:20

Benaya umwana umonsi wakwe Yeoyada wali icita iciposye, nupya wafumile ku Kabizeele. Wene wacisile ivintu vya maka. Wakomile antu yaili, inkonkotela zya vita vyaku Moabu. Na pa wanda umwi lino kwatonyanga ivintu vimwi ivitiswe wa mula, wene waile aingila umu ciwina cali pipi ni cifula ca manzi, akoma cisama.

1 Milandu 11:22

Benaya umwana umonsi wakwe Yeoyada, uwaku Kabizeele, wali umusilika umulumbuke. Wene wacisile ivintu ivikulu, ukwika penepo nu kukoma ivita vikulu viili ivya ina Moabu. Wene watazile aingila mu ciwina nga akoma cisama pa wanda uno kwali cuma umukamantane wa mawe.

Masamu 143:5

Nkwiusya amanda yampiti, nkwelenganya ivicitwa vyako vyonsi, nga nu kwiusya umulimo wa minwe yako.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Amosi 3:12

Yawe wavwanga wati, “Ndi vino kacema akalombola imyendo iili sile, nanti ikutwi lya mfwele iyatiliika kuli cisama, vili vino aina Izlaeli yanono sile yalatuulwa, yayo aikala ku Samaliya pa vilimba vyao vyakupemwililako na pa miceka yao mu Damasiko.

Zakaliya 11:16

Pasi pano ninsonta umuntu wenga mu mpanga akucema imfwele zyane. Wiyo wene asikusakamala kucingilila imfwele zino zikuzanza, asikwazwa ni zikuluwantika, asikupozya izikucisika nanti kulisya izikusyala penepo. Wene apunukile sile ku kulya izisuma iziine nu kuzifyontola inkamba.

Zakaliya 9:7

Antu yakwe yatalalya nupya inyama ino icikweti uwazi, nanti ukulya vyuze ivyaindwa. Yayo yonsi alasyalapo yalaya cili conga na antu yauze, yalaya wa luko longa lwa mutundu wa Ayuda. Aina Ekiloni yalaya cili conga na antu yauze, ndi vino aina Yebusi yali.

Luka 2:8

Mu mpanga ilya kwali yakacema acitanga uluti lwakulolela viteekwa vyao ku nyika usiku.

Yoane 10:11

“Nene mucemi musuma. Mucemi musuma akapeela umi wakwe pamulandu wa mfwele.

Loma 5:4

nu kuposya kukalenga Leza azumilizye ukuti sweswe ya cumi, nu kuzumilizya kwakwe kukatupela upaalilo.

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

Umbwilo 13:2

Cilyanyi calolike wa nangu, ni ngazo zyakweco wakwe zyakwe ciuli, nu mulomo wali wa mulomo wakwe cisama. Cizoka cipela maka ni cilimba ca wene nu utesi ku cilyanyi.

Yakapingula 14:6

Umukupumikizya umupasi wakwe Yawe wikila panoli na maka cakuti akalema nu kukalepola ni minwe mitupu wakwe vino angalepola kambuzi. Lelo Samusoni atanenyile isi nanti nyina pali vino watacita.

1 Samueli 17:15

lelo Davidi wene wayanga sile ku nsakwe yakwe Saulo cila wanda nu kuwela ku kucema imfwele zyakwe isi ku Betelemu.

1 Samueli 17:33

Lelo Saulo amunena ati, “Asi wewe ungaya ukalwisye umwina Filisti wiya, awe. Wemo wewe mulumendo sile, nga wene waya umusilika ukufuma sile ku kuvyalwa kwakwe.”

1 Samueli 17:35

nemo nkacilondelela, incizanza nu kupokolola imfwele ku mulomo wakweco. Nga cisama nanti icinyama icakolana ni ciuli casenuka nu kunkatukila, nemo nkacivungatila sile pa nsingo incuma mpaka sile icifwa.