1 Samueli 17:20 - Amazwi Yakwe Leza 2013

²⁰ Katondotondo lino ukuca sile Davidi asya imfwele kuli kacema umwi uwakuti azilola. Atenuka apita nu kupita ndi muno Yese wamutungulwile, afika pa nsakwe pa nsita ino ivita vikuya mu kutantama mu ncende zyao izya nkondo ale yakupunda na welelele wooo!

1 Samueli 17:20 ပူးပေါင်းရင်းမြစ်များ

Luka 19:43

Manda yaliza lino anisi yalakwizila nu kukukulilila ilinga. Yalakuzinguluka nu kukuyalila konsi.

Yoswa 3:1

Katondotondo Yoswa na Ina Izlaeli yonsi iyatenuka ukufuma ku Syitimu nga iyaya ku Yodani, kuno yakuuzile insakwe lino yatacili yalambe.

1 Samueli 15:12

Katondotondo pa macaca Samueli akatuka aya ku kukomenkanya Saulo, lelo iyamunena iyati, “Saulo wataya ku Kalimeli. Kuku akuno wataimika icipilala kuti acindikilemo izina lyakwe nga watasenuka nu kuya ku Giligali.”

1 Samueli 17:19

Umayazana yali na Saulo nga na ina Izlaeli yonsi umu Cifoloma ca Elaa, ala yakulwisya aina Filisti.”

1 Samueli 17:21

Aina lzlaeli na ina Filisti ale yakutantama, yatiyalozyanya amanso.

1 Samueli 17:28

Eliabu silenzi wakwe lino uvwa kuno Davidi akulanda na antu, asoka sana nga atandika nu kukalipila Davidi ati, “Uzye icani cino wizile cita kuno? Uzye aweni wino usilile imfwele zizi umu lwanga kuti azicema, nanti angala zitavula? Namanya amatukutuku yako. Ala cumi kwene we mwance we utaya ningo. Wemo wizile sile ku kutamba ulwi!”

1 Samueli 26:5

Lyene lilyo kwene Davidi atenuka nga aya ku ncende kuno Saulo wakuuzile inkambi. Aya asininkizya na pano Saulo na Abineli umwana wakwe Neli, musika mukalamba uwa vita, yatiyalambalala. Saulo walambalile mukasi ka nkambi, na asilika yala yamuzingulwike.

1 Samueli 26:7

Acino Davidi na Abisyai iyaya ku vita usiku, iyaya yazana Saulo watakasula utulo umukasi ka nkambi ala ni sumo lyakwe lisimfilwe mu musili pipi nu mutwe wakwe. Abineli na asilika ala yatiyalambalala ukuzinguluka Saulo.