1 Samueli 16:7 - Amazwi Yakwe Leza 2013

⁷ Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Samueli 16:7 ပူးပေါင်းရင်းမြစ်များ

Utandiko 4:5

Lelo Yawe atazangile muli Kaini nu mu wila wakwe kwene. Caleka Kaini asoka, nga afinya pa manso.

2 Samueli 14:25

Kutali umuntu nanti wenga umu ina Izlaeli yonsi wino yangalingana na Abusalomu ku kuyemba. Wene atakweti akaulema nanti kamwi, ukutandikila sile ku mutwe wakwe mpaka na pa kakando.

2 Samueli 7:20

Uzye icani cuze cino ningalanda kuli wewe? Pasi pano wamanya mpiti ne muzya wako.

1 Yamwene 8:39

wemo uwamuvwa uku mapepo yakwe. Uwamukutika kwiyulu ukwako kuko kuno wikala. Uwamuyelela uluse nu kumutuula wamutuula. Awewe wenga sile wewe wamanya vino antu yakaelenganya mu myenzo yao. Umuntu wensi uwamulambula kulingana navino akacita,

1 Milandu 17:18

Uzye icani cuze cino ningalanda kuli wewe? Wemo wamanya ningo, nga lelo ukancindamika ne muomvi wako.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

2 Milandu 6:30

wemo uwauvwa amapepo yao. Uwauvwa kuko ukwako ukwiyulu kuno wikala, uwayayelela kweneko nu luse. Wewe wenga sile, awewe wamanya vino umuntu akaelenganya umu mwenzo wakwe. Umuntu ali wensi uwa mulambula ukulingana ni vicitwa vyakwe.

Yobo 10:4

Uzye wemo wakwata amanso ya untu? Uzye wemo ukalola ndi vino antu yakalola?

Yobo 35:5

“Tale sungamila umupela, umwiyulu! Lola vino amakumbi yali apatali sana ukufuma kunuli.

Masamu 139:2

Wamanya vyonsi vino nkacita. Ukamanya vino nkwelenganya, nanti uli akatalamukila uli.

Masamu 7:9

Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

Mapinda 15:11

Kuzimo ni ciwina vyaya apa manso yakwe Yawe. Uzye lyene antu yangamufisa uli ivili mu myenzo yao?

Mapinda 16:2

Inzila zyonsi izya muntu, umweneco akazilola wa zisuma, lelo kapima wa myenzo a Yawe.

Mapinda 24:12

Uzye ungakana ukuti, “Awe nemo ntamanyile umulandu?” Nga fwandi wiyo uwamanya nu kupima imyenzo ya antu atamanya? Nanti wiyo akawaka umupasi wako uzye asiuvwa?

Mapinda 31:30

Upaale wene ukasomba sile. Ukuyemba nako kwene ukwasilesile. Lelo umwanaci wino akaoopa Yawe, aliwe alinzile ukulumbanyiziwa.

Yelemiya 11:20

Alino lyene nani impepa kuli Yawe inti, “Iye we Yawe Wamaka yonsi, wewe Mwene wino akalungika pa kuputula imilandu. Wemo ukaceceta vino antu yakwelenganya na vino yakuuvwa mu myenzo yao. Leka nemo indoleko kuno ukulandula pa antu yaa, pano nemo umulandu uu natuula kunuli.”

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 20:12

Lelo we Yawe Wamaka yonsi, wemo ukalungika apa kwezya antu. Wemo ukalola ivyaya mu myenzo yao nu munda zyao. Pasi pano nemo nintuula umulandu wane mu makasa yako.

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Yoane 7:24

Mutapingula mu milolekele ya vintu, lelo pingulini kulingana ni cumi.”

Yoane 8:15

Mwemo mukapingula mu mwata wa untunze, nemo nsyapingula umuntu nanti umwi.

Milimo 1:24

Lyene yapepa yati, “Mwene, wemo wamanya myenzo ya antu onsi, utulange wino watusolola pa antu yaa oili,

2 Kolinto 10:10

Yamwi muno muli yakuti, “Makalata yakwe Paulo yaya na mazwi akome nupya a maka. Lelo lino ali pamwi naswe, pa manso itu, wene umutonte, nupya mazwi yakwe yasyasenula cimwi.”

2 Kolinto 10:7

Elenganyini ningo pa vintu vikuloleka paswe. Uzye kuku kungaya umwi wino waitaila ukuti wene uwakwe Klistu? Ndi avino cili, lekini wene aelenganye nupya pali aliwe umwisikulu, pano sweswe yakwe Klistu wakwe vino nawe kwene ali.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

1 Petulo 2:4

Izini kuli Yesu. Wene ali iwe lya umi lino antu yakana ukuti ilya mpomvu. Lelo Leza walisolwile wi we lyamutengo cuze.

1 Petulo 3:4

Lelo kuyemba kwinu kulinzile kuya ukwa mukasi kinu, ukwa kukwata myenzo ifuke nupya itekele manda pe. Pa manso yakwe Leza cii icili campomvu kuluta.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

1 Samueli 2:3

Si fwandi mungala musuule sile, mutaya ni cilumba. Mutaezya ukuvwanga amazwi akuitumika, pano Yawe a Leza uwamanya vyonsi. Wene akapima vino antu yakacita.

1 Samueli 9:2

Kisyi wakweti umwana umonsi wino yatemile izina iyati a Saulo. Saulo wali umulumendo umwi umuyembe sana cakuti mu ina Izlaeli kusi uwamulusizye ukuzipa. Wene wali umuntu umwi umusolopoke. Nupya wali umutali ukuluta yonsi.