1 Samueli 16:5 - Amazwi Yakwe Leza 2013

⁵ Nawe aasuka ati, “Awe mukwai kuli cele. Niza sile ku kupeela impolelwa kuli Yawe. Mwemo muisangulule tuye swensi ku kupeela impolelwa.” Alino asangulula Yese pamwi na ana yakwe nga ayama ku kupeela impolelwa.

1 Samueli 16:5 ပူးပေါင်းရင်းမြစ်များ

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

1 Yamwene 2:13

Lyene Adoniya, umwana umonsi wakwe Hagiti, aya kuli Batisyeba, nyina wakwe Solomoni. Nga Batisyeba amuuzya ati, “Uzye wapita uli?” Nawe Adoniya amwaasuka ati, “Ukuya kwene napita sile ningo.”

1 Milandu 12:18

Alino Mupasi wakwe Leza aikila pali wenga uwa mwi umba lili, izina lyakwe a Amasai, uwizile aya umukalamba wa mpuka ya vita vivi amakumi yatatu. Nga nawe avwanga ati, “Ala! We Davidi, umwana wakwe Yese, sweswe antu yako! Ulongo luye kunuli na kuli yao akukwazwa! Leza ali ku lusansa lwako.” Alino Davidi ayazengela nga ayapeela ivifulo umu mpuka ya vita vyakwe.

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Yowelo 2:16

Konganikini antu yonsi apali pamwi, muyanene kuti yaizilizye. Konganikini aikolo na ance kwene. Mukonganike nu tunya kwene utucili tukonka. Pelini ilamulo kuli siwinga na nawinga, kuti nayo kwene yafume umu ng'anda yao nu kwiza.

Zefaniya 1:7

Mwikale cele pa manso yakwe Yawe Simwandalali! Pasi pano uwanda wakwe Yawe wati upalama. Yawe wateyanya impolelwa. Wene wapaatula antu yano waama.”

Mpendwa 11:8

Antu yayanga ku kuzyola, iyavisya api we nanti ukuponda mu cina. Alino lyene yavyeleka mu mpoto nu kutandika ukupanga imikate. Ndi walya vyuvwikanga kwati utumakeke tuno yakandilamo na amafuta ya miolivi.

1 Kolinto 11:28

Caleka cila muntu atale aipime umwisikulu nkolelo lino atali kuti alye umukate nga nu kumwa mu lwako.

Yoswa 3:5

Yoswa anena antu ati, “Isangululini mweisikulu, pano mutondo Yawe alacita icinjelengwe apakasi kinu.”

Yoswa 7:13

“Ale fwandi katuka ukasangulule antu. Uyanene uti, ‘Isangululini mweisikulu apakuiteyanya pali vino vilacitika mutondo. Uyanene uti kuu kuli kulanda kwakwe Yawe, Leza wa ina Izlaeli ukwakuti, Pakasi kinu mukweti ivintu vino namunenyile ukonona, mwe ina Izlaeli mwe! Mulaposiwa ukulwa na anisi inu suka sile mwatala monona ivintu vivyo.’

1 Samueli 20:26

Uwanda ulya Saulo atavwanzile cimwi, pano welenginye ati, “Cino Davidi atazanyilwepo pamulandu wakuti limwi angapela wataikowezya ku cintu cimwi cino citazumiliziwa ni ntambi zitu.”