1 Samueli 16:4 - Amazwi Yakwe Leza 2013

⁴ Samueli pali pakucita vino Yawe atamunena. Akatuka alulema nu kuya ku Betelemu, kuno aikolo yacincile ukwiza mukomenkanya. Lino yamulola ale yakuizakazila sile. Alino iyamuzya iyati, “Kuli ci yame?”

1 Samueli 16:4 ပူးပေါင်းရင်းမြစ်များ

Utandiko 35:19

Lyene Lakeli afwa, nga yamuzika mumbali ya museo uwaku Efulata (kuli kuti, Betelemu).

Utandiko 48:7

Nacita ci pamulandu wakuti nkwelenganya vyacitikile nyoko Lakeli. Nasosile pano Lakeli wafwilile mu mpanga ya Kenani mupipi nu musumba wa Efulata, ala nkuswilila kumwitu ukufuma ku Mesopotamya. Imuzika mu mbali ya museo uwaya ku Efulata.” (Musumba wa Efulata ndakai ukaamwa ukuti Betelemu.)

2 Samueli 6:9

Davidi auvwa intete izyapali Yawe umu wanda ulya nga avwanga ati, “Uzye ningasenda uli Mbokosi ya Upangano yakwe Yawe?”

1 Yamwene 17:18

Mangu wilya anena Eliya ati, “Uzye icani cii cino wancitila vii, we kasema wakwe Leza? Uzye wiza kuno ku kwiusya Leza pa maifyo yane kuti aleke umwana wane afwe?”

1 Yamwene 2:13

Lyene Adoniya, umwana umonsi wakwe Hagiti, aya kuli Batisyeba, nyina wakwe Solomoni. Nga Batisyeba amuuzya ati, “Uzye wapita uli?” Nawe Adoniya amwaasuka ati, “Ukuya kwene napita sile ningo.”

2 Yamwene 9:22

Lino Yolamu walola Yeu, amuuzya ati, “We Yeu, uzye wizile kuno mu mutende?” Yeu nawe amwaasuka ati, “Uzye pangaya uli umutende lino tucikweti utuluwi nu wanga uno nyoko Yezebele watandike?”

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Luka 2:4

Yosefu nawe wafumile ku musumba wa Nazaleti mu Galile nu kuya ku Betelemu musumba uwamu Yudeya mu musumba wakwe Davidi. Cino Yosefu wailileko pano wali uwamu mupanda nu uwamu luko lwakwe Davidi.

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Luka 8:37

Lyene antu yonsi amu mpanga izingulwike Gelasa yapapata Yesu kuti afume mu mpanga yao, pano yuvwile intete cuze. Caleka Yesu apatama mu wato afumako.

1 Samueli 21:1

Davidi aya ku Nobu, kuli simapepo Aimeleki. Aimeleki azakaza sile pa kumukomenkanya nga amuuzya ati, “Uzye pacani cino wapita sile wenga pa kwiza kuno, ukwaula nu wakukusukilila?”