1 Samueli 16:21 - Amazwi Yakwe Leza 2013

²¹ Davidi aiza kuli Saulo nga atandika ukumuombela. Saulo atemwa Davidi wakwe cimwi, nga nawe amucita ukuya umusenda mpamba wakwe.

1 Samueli 16:21 ပူးပေါင်းရင်းမြစ်များ

Utandiko 41:46

Yosefu wali ni myaka yakuvyalwa amakumi yatatu lino watandike kutumikila Falao, umwene waku Eguputo. Ndi Yosefu wafuma umwi sano ala waya ku kutandala konsi mu Eguputo.

1 Yamwene 10:8

Endi, antu yako alongo! Endi, yacilolo yako alongo, yano lyonsi yakaikala pipi na panuli nu kuvwa amano yako.

Masamu 118:9

Cazipa penepo ukuzina muli Yawe kuluta ukwikalilila umu muntu umukama.

Masamu 146:3

Mutataila muli yakateeka, umu mwana wa muntu atange amupususye.

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Malango 1:38

Lelo ukomelezye kazwilizya wako, Yoswa umwana umonsi wakwe Nuni. Wene alatungulula aina Izlaeli kuti yakapyane impanga ilya.’

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Yakapingula 9:54

Lyene zuwazuwa Abimeleki aama umusenda mpamba wakwe nga amupeela ilamulo ati, “Somola ulupanga lwako unkome, pano ntakasi kuti antu yakize yati umwanaci uwatamukoma.” Acino umusenda mpamba wilya amutota atulinkanya ulupanga mu mwili wakwe, nga afwa.

1 Samueli 16:22

Lyene atuma akuyanena Yese ati, “Leka Davidi atwalilile ukumbombela, pano nkuzangila munoli.”

1 Samueli 17:15

lelo Davidi wene wayanga sile ku nsakwe yakwe Saulo cila wanda nu kuwela ku kucema imfwele zyakwe isi ku Betelemu.

1 Samueli 17:55

Lino Saulo walola kuno Davidi akuya ku kukomenkanya umwina Filisti wiya, anena Abineli, musika mukalamba uwa vita vyakwe, ati, “We Abineli, uzye umulumendo wilya amwana weni?” Abineli nawe aasuka ati, “Mwene wakwisaci, vino uli pano umumi, nkulapa ukuti ntamanyile.”

1 Samueli 19:7

Acino Yonatani aama Davidi nga amulandila amazwi yayo yonsi. Alino amuleta kuli Saulo, nga Davidi aikala na Saulo wakwe vino cali apankolelo.