1 Samueli 16:18 - Amazwi Yakwe Leza 2013

¹⁸ Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”

1 Samueli 16:18 ပူးပေါင်းရင်းမြစ်များ

Utandiko 39:2

Yawe wali na Yosefu, nu kulenga kuti vintu vyonsi vyamuzipila. Wikalanga mu ng'anda ya musambazi wakwe mwina Eguputo.

Utandiko 39:23

Kalinda wa anyepwe acefya nu kwangalila, nga vyonsi vyali mu makasa yakwe Yosefu pano Yawe wacingililanga Yosefu nu kulenga kuti vyonsi vino wacitanga vyamuzipila.

2 Samueli 14:20

Nga lelo cino wacitile vyonsi vii, pakuti angalolola ivintu vyonsi muno vingacitikila pamulandu wakuti wemo wacenjela wa mungeli wakwe Leza. Wemo wamanya ivikacitika umu mpanga ii.”

2 Samueli 17:10

Lyene nanti umusilika ukuluta yonsi, wino wapama wakwe cisama, alazakaza ku ntete, pano aina Izlaeli yonsi yamanya ukuti so icita nga na antu yano ali nayo yapama.

2 Samueli 17:8

Wemo umanyile ukuti so Davidi na antu yakwe akome mu ulwi nupya yakalwa wa cinyama icakolana ni ciuli, cino yatiyatolela utwana. So aumwi inkonkotela ya ulwi. Wene atangalinda usiku pamwi na asilika.

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

1 Samueli 10:7

Lino ivimanyililo vii vyonsi vyaya vyaloleka, uye ukacite icintu icili consi cino wayalola ukuti acili cino cingakuzipila, pasi pano Leza ali nawe.

1 Samueli 16:12

Fwandi vili vino Yese watumile akuyamuleta, nawe aya amuleta. Walolekanga umuyenzulukile na manso yakwe asuma, nga ni cinso cakwe cali icisuma. Alino Yawe avwanga ati, “Katuka umupake amafuta. Umuntu wi aliwe kwene.”

1 Samueli 16:17

Saulo ayapeela ilamulo ati, “Kalondini umuntu umwi uwamanya ukulizya ningo nga mumulete kunondi.”

1 Samueli 16:19

Acino Saulo atuma inkombe kuli Yese na mazwi akuti, “Ntumile Davidi umwana wako, wiyo akacema imfwele.”

1 Samueli 17:12

Davidi wali umwana wa mwina Efulata wino yamanga iyati a Yese, ukufuma mu musumba wa Betelemu umu mpanga yakwe Yuda. Yese wakweti ana aonsi cinani, nga pa nsita ya wene wakwe Saulo umuntu wiyo ale wakota akukongoza sile.

1 Samueli 3:19

Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.