1 Samueli 15:33 - Amazwi Yakwe Leza 2013

³³ Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.

1 Samueli 15:33 ပူးပေါင်းရင်းမြစ်များ

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

1 Yamwene 18:40

Eliya pali pakuvwanga ati, “Lemini yakasema yakwe Baali! Mutaleka nanti wenga apuuke! Lino yayalema, Eliya pali pakuyasenda ku Cifoloma ca Kisyoni nga akuno ayakomela.”

Kufuma 17:11

Walanga kula Mose watumpula makasa yakwe papela, aina Izlaeli yacimvya mu nkondo. Lelo ndi wawisya makasa yakwe aina Amaleke iyatandika kucimvya.

Kufuma 21:24

ilinso pa linso, ilino pa lino, ikasa pi kasa,

Ezaya 34:6

Ulupanga lwakwe lumakandana uwazi wao, nu kunonoka uku mafuta ya twana twa mfwele ni mbuzi, lino yakupeela impolelwa. Yawe aliwe amatuula impolelwa uku musumba wa Bozila, muno amakomola antu aku Edomu.

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 48:10

Watipwa umuntu wiyo wino akaomba umulimo wakwe Yawe ukasu ukasu! Watipwa umuntu wino akalesya ulupanga lwakwe ukuzwisya uwazi!

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Mpendwa 14:45

Aina Amaleke na ina Kenani aikalanga mu mpanga ilya, mu myamba, ali pa kutentemuka nu kuyazanza. Iyacimvya aina Izlaeli nzila yonsi kufika nu ku Holima.

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.

1 Samueli 10:8

“Alino ukatentemukile nu kukolela ku Giligali. Akuli kuno ndiza nkuzane nu kupeela amawila yakoca na autandano. Lelo uce ulolele kuku amanda cinimbali pakuti nkize nkakulange ivyakucita.”

1 Samueli 15:32

Lyene Samueli amunena ati, “Aleni ndetelini Agagi umwene wa ina Amaleke.” Acino Agagi aiza kunoli ala akuzakaza sile ku ntete nga avwanga ati, “Cumi kwene ukusakamikwa pa ukali wa mfwa kwasila.”