1 Samueli 15:3 - Amazwi Yakwe Leza 2013

³ Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

1 Samueli 15:3 ပူးပေါင်းရင်းမြစ်များ

Utandiko 36:12

Timinaa, uwali umuci namuze wakwe Elifazi, nawe waviile Amaleke. Yao ali izikulu yakwe Ada umuci wakwe Esau.

2 Samueli 1:8

Anguzya ati, “Uzye wewe weni?” Nani imwasuka inti, “Nene mwina Amaleke.”

Kufuma 17:14

Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Mpendwa 24:20

Alino mu cilolwa Balamu alola aina Amaleke nga asema usemo uu: “Amaleke wali uluko lwa maka ukuluta inko zyonsi, Lelo ukumpelelekezyo alononeka.”

Mpendwa 31:17

Aleni ndakai komini ana aonsi yonsi, mukome nu mwanaci wensi wiyo uwala watala wamanyana nu monsi.

Yoswa 10:39

Iyapokolola umusumba, nu mwene nga ni mizi yakweo, nga iyakomola aikazi ya mwenemo. Yatasile umuntu nanti umwi umupuma. Yacitile umusumba wa Debili nu mwene wauko wakwe vino yacitile umusumba wa Hebuloni nu wa Libina nu mwene wauko.

1 Samueli 14:48

Wene walwisizye iconsiconsi nu kucimvya aina Amaleke, akulula aina Izlaeli ku makasa yakwe yao ayazanzanga.

1 Samueli 15:18

Aliwe kwene uwakutumile nu kukukonkomezya ati, ‘Pitanga ukonone antu yalya aipe, aina Amaleke. Ukayalwisye nu kuyakoma yonsi pyu uyalovye.’

1 Samueli 15:9

Lelo Saulo na antu yakwe yatakomile Agagi ni viteekwa vyakwe ivisuma ukuluta umu mfwele ni ng'ombe, utwana twa ng'ombe nu twa mfwele. Vii vyonsi ivyalolekanga ningo yatakasi ukuvyonona. Lelo iviteekwa vyonsi ivitali ningo ivitali nu muzano umwi vyene yavyononyile.

1 Samueli 22:19

Wene wakomile ku lupanga aikazi aku Nobu, umusumba wakwe yasimapepo, kumwi na onsi na anaci yakweo, ana kumwi nu tunya twakweo, ing'ombe, yapunda ni mfwele zyakweo.

1 Samueli 27:9

Lyonsi sile lino Davidi wazanza umusumba umwi, wene atasyanga umonsi nanti umwanaci umwi akufuta. Lelo wene watolanga imfwele ni ng'ombe, yapunda ni ngamila, nga ni vyakuzwala kwene. Alino aswilila kuli Akisyi.

1 Samueli 30:17

Uwanda uwalondelela, lino sile kwandatuka, Davidi ayazanza alwa nayo mpaka ilanzi iliwa. Kusi nanti umwi uwapuswike, suka sile alumendo imyanda ini akwezile pa ngamila nu kupuuka.