1 Samueli 15:24 - Amazwi Yakwe Leza 2013

²⁴ Lyene Saulo anena Samueli ati, “Natinifya. Nakanyile ukulondela ilamulo lyakwe Yawe na vino wantungulwile. Noofile asilika nga incita vino yalondanga.

1 Samueli 15:24 ပူးပေါင်းရင်းမြစ်များ

Utandiko 3:12

Umonsi nawe aasuka ati, “Umwanaci wino wampeela kuti aya nani uwali wampeela viseekwa, nga nani nalya.”

Utandiko 3:17

Alino Yawe Leza anena umonsi ati, “Pamulandu wakuti wali uvwila umuci wako nga nu kulya iviseekwa vyaku muti uno namuinzile, musili watipwa pamulandu wako. Ulaombesya cuze pakuzana ivyakulya.

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

Yobo 31:34

Nsiuvwilila ivya kunzi vino antu yakulandalanda. Nanti ukulondelela amazwi ya misula ukufuma ku akazi. Nkuposiwa ukusula nu kwikala cele, icakuti inkuposiwa nu kufumila apanzi.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

Kufuma 10:16

Lyene Falao kwaula ukusumba insita atuma akuya ama Mose na Aaloni nga aiza ayanena ati, “Natinifya kuli Yawe Leza winu nga nakuli mwemwe kwene.

Kufuma 23:2

Utawila kuli cele wensi lino yakucita iviipe. Utazumilizyanya nayo lino yakuvwanga umboni waufi uno ukaonona ulungami pakuti uzanzye aingi.

Kufuma 9:27

Falao atuma akuya ama Mose na Aaloni nga aiza ayanena ati, “Ndakai nazumila ukuti natinifya. Yawe umololoke. Nene na antu yane sweswe yaponge.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Yelemiya 38:5

Umwene Zedekiya nawe ati, “Awiyo, ali mu makasa inu. Ne mwene ntakweti nanti cimwi cakumulesya.”

Mpendwa 22:34

Balamu ali pa kwasuka mungeli ati, “Natinifya pano icumi ntalimanyile ukuti awewe uwimilile mu museo kuti uncilikile. Fwandi lyene ndi cakuti ulendo wane utakuzanzizye, kambwelele.”

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

1 Samueli 15:15

Saulo aasuka ati, “Asilika yazisenzile ukufuma ku ina Amaleke. Yene yatakomile iviteekwa ivisuma ukuluta umu mfwele ni ng'ombe kuti yavipeele impolelwa kuli Yawe Leza wako. Lelo ivyasyala twavyonona pyu.”

1 Samueli 15:30

Saulo nawe avwanga ati, “Natinifya. Lelo napapata ncindike sile nanti iila lyonga pa manso ya ntunguluzi zya antu yane na pa manso ya ina Izlaeli. Katuswilile sile swensi pakuti inje nkafukame nu kupepa Yawe Leza wako.”

1 Samueli 15:9

Lelo Saulo na antu yakwe yatakomile Agagi ni viteekwa vyakwe ivisuma ukuluta umu mfwele ni ng'ombe, utwana twa ng'ombe nu twa mfwele. Vii vyonsi ivyalolekanga ningo yatakasi ukuvyonona. Lelo iviteekwa vyonsi ivitali ningo ivitali nu muzano umwi vyene yavyononyile.

1 Samueli 2:29

Nga nupya pacani cino ungatumbwila amanso nu kuzazila amawila yano nanenyile antu ukundetela? Uzye pacani cino ungacindikila ana yako aonsi ukuluta pali nene pa kuyata yiine pa kuilyokezya ukulya amawila asuma wakwe cimwi yano antu yane aina Izlaeli yapeela?

1 Samueli 26:21

Lyene Saulo avwanga ati, “Natinifya. Wela kuno, we Davidi mwanane. Pamulandu wakuti ilelo wemo waliwasakamala umi wane, nani ntakutala nezye ukucita cimwi iciipe kunuli nupya. Cumi kwene nemo nincita uwelewele nupya ninduvyanya sana.”