1 Samueli 15:20 - Amazwi Yakwe Leza 2013

²⁰ Saulo nawe aasuka ati, “Lelo Yawe natimuyela. Naile kuno Yawe wantumile, inkomola aina Amaleke nu kulema Agagi umwene wao.

1 Samueli 15:20 ပူးပေါင်းရင်းမြစ်များ

Yobo 33:9

‘Nene wa mwenzo uswepe, ntacita icintu nanti cimwi iciipe. Nanti ukutala umulandu uli onsi, awe.

Yobo 34:5

Yobo umweneco watavwanga ukuti umulungame, lelo Leza wakana ukuti ampingwile nu ulungami.

Yobo 35:2

“Uzye icisuma kuti wemo uvwange ukuti wewe mulungame nu kuti wewe wakaele kuli Leza?

Yobo 40:8

Uzye kwene Yobo wewe ukunena ukuti vino nemo inkapingula vitalola mwenemo, vwile?

Mateo 19:20

Muntu amunena ati, “Nkayela masunde yaa onsi. Uzye icani cuze cino nulizya?”

Luka 10:29

Lelo kasambilizya wa Masunde walondanga ukuizifilizya ukuti umololoke. Lyene auzya Yesu ati, “Uzye unji aweni?”

Luka 18:11

Mufaliseo aimilila apepa mu mwenzo wakwe ati, ‘Nakutaizya, we Leza, pano nemo ntakolana na antu yauze ali wa antu alwiswa, aucenjezi, akalongozya nanti yao ali wakwe kasonkisya kwene wii.

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

1 Samueli 15:13

Lelo Samueli avwanga ati, “Si angala Yawe akupolelele! Nemo natimfikilizya ukulingana na malamulo yakwe Yawe.”

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

1 Samueli 15:8

Alema Agagi umwene wa ina Amaleke, nga akomola na antu yakwe yonsi pyu.

1 Samueli 28:18

Pamulandu wakuti wemo utayezile amazwi yakwe Yawe nanti ukulovya aina Amaleke, Yawe nawe watacita ci kunuli ilelo.