1 Samueli 15:18 - Amazwi Yakwe Leza 2013

¹⁸ Aliwe kwene uwakutumile nu kukukonkomezya ati, ‘Pitanga ukonone antu yalya aipe, aina Amaleke. Ukayalwisye nu kuyakoma yonsi pyu uyalovye.’

1 Samueli 15:18 ပူးပေါင်းရင်းမြစ်များ

Utandiko 13:13

umusumba muno antu yali ankota, aifyanga Yawe wakwe cimwi.

Utandiko 14:7

Lyene iyasenuka iza ku Kadesyi (kuno yamanga yati Enimisipati, kuli kuti kafukoka ka uputuzi) yacimvya impanga ilya yonsi ya ina Amaleke ni ya ina Amoli atenzi mu Hazazoni Tamala.

Utandiko 15:16

Palapita mikulo ini lino amu mupanda wako yalaweluluka kuno mpanga, pano lyene ukwifya kwa ina Amoli ala kwafika pa kuyavunuka.”

Yobo 31:3

Uzye fwandi uononesi wene usiponela antu aukakasi, nga nu uzanzo nao uponela yakaifya?

Mapinda 10:29

Yawe ali linga lya kuzinamo yayo akacita vyaololoke, lelo wene akaonona yayo akacita iviipe.

Mapinda 13:21

Iciipe consi cikalondela uwatacicita, lelo yayo akacita ivyaololoke yalapeelwa ivisuma.

Mpendwa 16:38

Vyene vyali ivyamuzilo ukufuma lino vyapezilwe kuli Yawe pa kavuwa. Acino tola ivifutikilo vya antu yaa yano yakomilwe pamulandu wa nkota zyao, uvipamante mu tumalata nga upange cakufupilila kavuwa. Vyene vimayanga ivyakusoka aina Izlaeli.”

Galatiya 2:15

Mu cumi sweswe Ayuda kucivyalilwa nga tusi “Akulukuwa yakaifya,” ndi vino yakaamwa.

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”